وسىدان بىرەر اپتا بۇرىن فرانتسيانىڭ باس شاھارى – پاريجدە ۇيىمداستىرىلعان الەم كۋبوگىنىڭ ءتورتىنشى كەزەڭىندە كۇمىسپەن كۇپتەلگەن وتانداسىمىز ناريمان قۇربانوۆ بۇل جولى تۇعىردىڭ ەڭ بيىك ساتىسىنان كورىنىپ, ماجارستان تورىندە قازاقستاننىڭ ءانۇرانىن شىرقاتتى. ول سامبوتحەيدەگى بەسىنشى كەزەڭدە اتتا ونەر كورسەتۋ باعدارلاماسىندا چەمپيون اتاندى. قىتاي تايپەيىنىڭ وكىلى ەكىنشى ورىنعا يە بولسا, جاپون سپورتشىسى ۇزدىك ۇشتىكتى تۇيىندەدى.
سونداي-اق الەم كۋبوگى كەزەڭىندە ونەر كورسەتىپ جاتقان تاعى ءبىر جەرلەسىمىز ميلاد كاريمي ەركىن جاتتىعۋدا كۇمىس مەدال جەڭىپ الدى. سامبوتحەي قالاسىندا وتكەن الەم كۋبوگى جولىنداعى جارىستا 27 ەلدىڭ سپورتشىلارى 30 جۇلدە جيىنتىعىن ساراپقا سالدى. بۇل قاتاردا وليمپيادا مەن الەم چەمپيوناتىنىڭ جەڭىمپازدارى مەن جۇلدەگەرلەرى بار.
ەندى الەم كۋبوگىنىڭ سوڭعى, التىنشى كەزەڭى 7-9 قازاندا تۇركيانىڭ مەرسين قالاسىندا وتەدى. كەيىننەن گيمناستتار 29 قازاندا انگليادا باستالاتىن الەم چەمپيوناتىنا قاتىسادى.
