سپورت • 03 قازان، 2022

جىگىتتەر جاراپ تۇر

46 رەت كورسەتىلدى

پولشانىڭ ليۋبلين قالاسىنداعى MOSiR Hall سپورت كەشەنىندە وتكەن كاسىپقوي بوكس كەشىندە ءۇش بىردەي وتانداسىمىز، ADAL Promotions كومپانياسىنىڭ بىلعارى قولعاپ شەبەرلەرى – بەكزات نۇرداۋلەتوۆ، مەيىرىم نۇرسۇلتانوۆ جانە بەكمان سويلىباەۆ ونەر كورسەتىپ، قازاقستاندىق جانكۇيەرلەردى جارقىن جەڭىسىمەن قۋانتتى.

پولشاداعى بوكس كەشىندە ءبىرىنشى بولىپ شارشى الاڭعا جارتىلاي اۋىر سالماقتاعى وتان­داسىمىز بەكزات نۇرداۋلەتوۆ شىقتى. اۋەسقوي بوكستا ءبىرتالاي جەتىستىككە جەتىپ، الەم چەمپيونى اتانعان ماڭعىستاۋلىق بوكسشى 2020 جىلدان بەرى كاسىپقوي بوكس­تا ونەر كورسەتىپ كەلەدى. بۇگىنگە دەيىن بەس جەكپە-جەك وتكىزىپ، بارلىعىندا جەڭىسكە جەتكەن ول بۇل جولى دا گرۋزيالىق ياگو كيزيريادان (6-8، 4 كو) ۇپاي سانى بويىنشا باسىم ءتۇستى. 8 راۋندقا جوسپارلانعان جەكپە-جەكتە بەكزات ايقىن باسىمدىققا يە بولىپ، تورەشىلەردىڭ ءبىراۋىزدى شەشىمىمەن جەڭىسكە جەتتى – 79-73، 80-72، 80-72 .

ال جارتىلاي جەڭىل سالماقتا جۇدىرىقتاسقان بەكمان سوي­لىباەۆ (14-1، 5 كو) تەك قازاق­ستاندىق جانكۇيەرلەردىڭ ەمەس، بوكس كەشىن MOSiR Hall سپورت ارەناسىنان تاماشالاعان جەر­گىلىكتى كورەرمەندەردىڭ دە ىس­تىق ىقىلاسىنا بولەندى. ازداعان ۇزىلىستەن كەيىن كارەرا­سىن قايتا جالعاستىرعان جەرلەسىمىز پولشادا وڭتۇستىك افريكا رەسپۋبليكاسىنىڭ وكىلى سيفوسەتحۋ مۆۋلمەن (16-4-1، 7 كو) WBA Inter-Continental بەلبەۋى ءۇشىن جۇدىرىقتاسىپ، قارسىلاسىن جەتىنشى راۋندتا سۇلاتىپ سالدى. بەكماننىڭ جويقىن سوققىسىن وتكىزىپ العان سيفوسەتحۋ ءبىراز ۋاقىت ەسىن جيا الماي، جەكپە-جەكتى جالعاستىرۋدان باس تارتتى. 

قازاقستاندىق بوكسشىلار­دان سوڭعى بولىپ شارشى الاڭعا ورتا سالماقتاعى مەيىرىم نۇر­سۇل­تانوۆ شىقتى. بۇل جەكپە-جەك­تە وتانداسىمىز بيىل عانا جەڭىپ العان WBO International بەل­بەۋىن ءبىرىنشى رەت ءساتتى قورعا­دى. ارگەنتينالىق مارسەلو فا­بيانو كاسەرەسپەن (18-4، 13 كو) جۇدى­رىقتاسقان جەرلەسىمىز 10 راۋند­تىڭ قورىتىندىسى بويىنشا ۇپاي سانىمەن جەڭىسكە جەت­تى. ءبىر تورەشى وتانداسىمىزدى 98-92 ەسەبىمەن الدا بولدى دەپ ەسەپ­تەسە، ەكى تورەشىنىڭ پىكىرى بويىن­شا نۇرسۇلتانوۆ ءبىر راۋند با­سىم­دىعىمەن ۇتقان – 96-94. بۇل – 29 جاستاعى مەيىرىم نۇرسۇلتانوۆتىڭ كاسىپقوي بوكستاعى 18-ءشى جەكپە-جەگى جانە 18-ءشى جەڭىسى. سونداي-اق ول 10 قارسىلاسىن مەرزىمىنەن بۇ­رىن تىزە بۇكتىرگەن.

بوكس كەشىنىڭ باستى جەكپە-جە­گىندە اۋىر سالماقتاعى جەرگىلىكتى بوكسشىلار ميحال چەسلاك (23-2، 17 كو) پەن كشيشتوف تۆاردوۆسكي (9-4، 6 كو) جۇدىرىقتاسىپ، ال­عاش­قى بەسىنشى راۋندتا تەح­نيكا­لىق نوكاۋتپەن جەڭىسكە جەتتى.

سوڭعى جاڭالىقتار

ەلىمىزدە 175 ادام كوروناۆيرۋس جۇقتىردى

كوروناۆيرۋس • بۇگىن، 09:06

«ايبوز» دارابوزدارى انىقتالدى

ادەبيەت • بۇگىن، 08:55

پرەزيدەنت قۇتتىقتاۋى

پرەزيدەنت • بۇگىن، 08:50

ەلدىك نيەت

ايماقتار • بۇگىن، 08:48

كەزەكتە – جەر ۇيلەر

ايماقتار • بۇگىن، 08:46

زاڭ جوباسى قارالدى

ساياسات • بۇگىن، 08:42

ءتيىمدى ىنتىماقتاستىق

ساياسات • بۇگىن، 08:38

جەڭىستىڭ باستاۋى – حالىق

قوعام • بۇگىن، 08:27

اسىل تۇقىمنىڭ پايداسى

ايماقتار • بۇگىن، 08:24

بەرەكەلى اقباس سيىر

ەكونوميكا • بۇگىن، 08:20

اۆتوجولدىڭ سان الۋان ماسەلەسى

ەكونوميكا • بۇگىن، 08:18

ىشكى جالپى ءونىم 4 پايىزعا وسەدى

ەكونوميكا • بۇگىن، 08:14

ينفلياتسيانىڭ كەزەكتى تولقىنى

ەكونوميكا • بۇگىن، 08:10

اۋرۋدىڭ الدىن الايىق!

مەديتسينا • بۇگىن، 08:08

ءبىلىم كوكجيەگىن كەڭەيتكەن

عىلىم • بۇگىن، 08:06

ساپاسىز ويىنشىقتىڭ زالالى

ايماقتار • بۇگىن، 08:04

ۇقساس جاڭالىقتار