ونەر • 02 قازان، 2022

كەرىم دالا كەلبەتى

73 رەت كورسەتىلدى

ءابىلحان قاستەەۆ اتىنداعى ونەر مۋزە­يىندە بەلگىلى سۋرەتشى باۋىرجان ءباي­دىلدانىڭ «تۋعان ەل» اتتى جەكە كورمەسى اشىلدى. تۋعان ولكە تابيعاتىن تۇمار ەتكەن كەزەكتى كورمە سۋرەتشىنىڭ سوڭعى جىلدار بەدەرىندە جازعان تۋىندىلارىن قۇرايدى.

بەينەلەۋ ونەرىنىڭ بىرنەشە ءتۇرىن ەركىن مەڭگەرگەن شەبەر ءوز شىعارماشىلىعىمەن قاتار ۇستازدىق جولدا تاباندى ەڭبەك ەتىپ، جاس تالانتتاردى قىلقالام قۇدىرەتىنىڭ قۇپياسىمەن قاۋىشتىرىپ ءجۇر. كەسكىندەمەلىك، گرافيكالىق، موزايكالىق مانەردە ورىندالعان تۋىندىلاردىڭ ونە بويىندا قازاق دالاسىنىڭ كورنەكتى جەرلەرى، اڭىز ولكەلەردىڭ قاسيەتى، ءمالىم دە بەيمالىم تابيعات تىلسىمى كورىنىس تاپقان. وسىنىڭ ءبارىن شەبەر ءتىلىنىڭ كوركەمدىگىنە اينالدىرىپ، كەنەپ بەتىن نارلەندىرىپ تۇرعان باستى كۇش – شىعارماداعى ۇلتتىق مىنەز، ەپيكالىق سارىن. ءتۇرلى فورماتتاعى پەيزاجدار، تاريحي تۇلعالارعا ارنالعان قانىق تۇستەرمەن كومكەرىلگەن پورترەتتەر سۋرەتشىنىڭ ۇلتتىق تاقىرىپتاعى ىزدەنىستەرىنىڭ جەمىسى.

«سۋرەتشى شىعارماشىلىعىنان ەلۋىنشى جىلدار سوڭىنداعى ۇلتتىق رومانتيزم وكىلدەرىمەن ۇقساستىقتى كورەمىز. سۇلۋلىقتى تانۋدان باستالعان بەينەلەۋ ونەرى تاريحىنداعى نەگىزگى قاسيەتتەر باۋىرجان نۇربەك ۇلىنىڭ بويىنا دارىعان. ەستەتيكالىك، كلاسسيكالىق شىنايى ونەردى تانۋعا ۇمتىلعان تالعامپاز كورەرمەن كورمەدەن ايرىقشا اسەر الىپ قايتارى ءشۇباسىز»، دەيدى كورمە جەتەكشىسى اقجىگىت ءنۇسىپ.

كورمەدەگى ء«تاڭىرتاۋ يەسى» دەپ اتالعان تۋىندىدا الەمدەگى سيرەك كەزدەسەتىن ءتۇز تاعىسى – تاۋ بارىسىنىڭ سەكپىلدى اقشىل كەلبەتى ءھام الىپ بەينەسى حان ءتاڭىرى شىڭىمەن ۇيلەسىم تاپقان. ال شارىن شاتقالىن وزىندىك جىلى كۇرەڭ-قوڭىر، جارىق-كولەڭكەلى سۇرعىلت-قارا رەڭكتەرمەن جانە كانىق جاسىل جوتالارمەن جالعاستىرىپ الىپ كەلىپ شىڭدى كوكجيەككە ۇشتاستىرعان. سۋرەتشى كەنەپتەگى نەگىزگى نىسان مەن ارتقى فوندى تۇتاستىرۋ ارقىلى كارتينانىڭ كومپوزي­تسيا­لىق شەشىمىن شەبەر قويادى. ايتالىق، تەلجانوۆ­تىڭ تىك كەلبەتتى پورترەتىن يمپرەسسيونيزمدىك جاعىندىلارمەن، كەنباەۆتىڭ جىلى ءجۇزدى بەينەسىنىڭ ارتقى فونىن اتاقتى تۋىندىسى «اساۋعا قۇرىق سالۋ» كەنەبىندەگى سارى تۇستەرمەن جانە ناۋرىزباەۆتىڭ ءجيى سومداعان سۇڭعاق مۇ­سىندەرى سەكىلدى قويۋ سۇر تۇسپەن كومكەرگەن. مۇنى كەيىپكەردىڭ ءوزارا شىعارماشىلىق ەرەكشەلىگىن فون ارقىلى ايقىنداۋ دەپ اتاعانىمىز ءجون.

ن

باۋىرجان نۇربەك ۇلى ءبايدىلدا 1962 جىلى 12 جەلتوقساندا جامبىل وبلىسىندا دۇنيەگە كەلگەن. ن.ۆ. گوگول اتىنداعى الماتى كوركەمسۋ­رەت ۋچيليششەسىن (1981) «ستانوكتىق كەسكىندەمە» ماماندىعى جانە الماتى مەملەكەتتىك كور­كەم-تەاتر ينستيتۋتىن (1989) مونۋمەنتالدىق ونەر سۋرەتشىسى ماماندىعى بويىنشا بىتىر­گەن. كوركەمونەر اكادەمياسىنىڭ كوررەسپوندەنت-مۇشەسى. بۇگىنگى تاڭدا ت.جۇرگەنوۆ اتىنداعى قازاق ۇلتتىق ونەر اكادەمياسى «كەسكىندەمە جانە ءمۇسىن» فاكۋلتەتىنىڭ دەكانى.

 

الماتى

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار