تەننيس • 01 قازان، 2022

الەكساندر نەدوۆەسوۆ الەمنىڭ 69-راكەتكاسىن جەڭدى

79 رەت كورسەتىلدى

ەلوردادا Astana Open ATP 500 ءتۋرنيرىنىڭ ىرىكتەۋ سايىستارى ءوتىپ جاتىر. قازاقستاننىڭ جۇپتىق سىنداعى ەكىنشى راكەتكاسى الەكساندر نەدوۆەسوۆ كۇتپەگەن ناتيجەگە قول جەتكىزدى، دەپ حابارلايدى Egemen.kz قتف سايتىنا سىلتەمە جاساپ. 

جەكەلەي سىندا جارىستى ۇيىمداستىرۋشىلاردان ارنايى شاقىرتۋ العان نەدوۆەسوۆ العاشقى كەزدەسۋىندە الەمنىڭ 69-راكەتكاسى، كولۋمبيالىق دانيەل گالاندى 5:7، 7:6 (7:0)، 6:2 ەسەبىمەن ۇتتى. ءبىرىنشى پارتيادا الەكساندر 4:1 ەسەبىمەن العا شىققانىمەن، سول باسىمدىلىعىن ساقتاي المادى. ەكىنشى سەتتە تاي-برەيكتە 7:0 ەسەبىمەن جەڭسە، سوڭعى، شەشۋشى پارتيانى ءساتتى وتكىزدى.

تارتىستى ماتچ ەكى ساعات جارىمعا جۋىق ۋاقىتقا سوزىلدى.

نەدوۆەسوۆ ىرىكتەۋ سايىستارىنىڭ فينالىندا تۇركيالىق جەم يلكەل نەمەسە قىتايلىق چجيچجەن چجاننىڭ بىرەۋىمەن نەگىزگى تۋرنيرگە بەرىلەتىن جولدامانى ساراپقا سالادى. تاعى ءبىر قازاقستاندىق دەنيس ەۆسەەۆ الەمنىڭ 65-راكەتكاسى، بەلگيالىق داۆيد گوففەنگە ەسە جىبەردى – 1:6، 4:6.

ارىسلانبەك ايتقۇلوۆ رەسەيلىك پاۆەل كوتوۆتان ويسىراي ۇتىلدى – 0:6، 0:6. ال گريگوري لوماكين تۇركيالىق التۋگ چەليكبەلەكتەن ايلاسىن اسىرا المادى – 3:6، 3:6.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار