«ەكولوگيا ماسەلەسى ارقاشان وزەكتى, ءتىپتى, ۇلتتىق قاۋىپسىزدىك ماسەلەسى دەسەك بولادى. سەبەبى, تۇرعىنداردىڭ دەنساۋلىعى, تۇرمىسى قورشاعان ورتانىڭ جاعدايىنا تىكەلەي بايلانىستى. سوندىقتان, ەكولوگيامەن اينالىساتىن ارنايى مينيسترلىك قۇرۋ مەنىڭ پرەزيدەنت قىزمەتىندەگى العاشقى شەشىمدەرىمنىڭ ءبىرى بولدى», دەدى پرەزيدەنت.
وسى رەتتە ول «بىرگە – تازا قازاقستان» اكتسياسى جۇزەگە اسىرىلىپ جاتقانىن اتاپ ءوتتى.
«بۇل – بارشا حالقىمىزدى ۇيىستىرعان ماڭىزدى باستاما. 2020 جىلدان بەرى مەنىڭ تاپسىرمام بويىنشا ەلىمىزدە ەكى ميلليارد اعاش وتىرعىزۋ شاراسى باستالدى. جالپى, ءبىز وسى باعىتتا ءالى دە وتە كوپ جۇمىس اتقارۋىمىز كەرەك», دەدى ق.توقاەۆ.
