روبوتتەحنيكا كابينەتتەرىن جابدىقتايدى

كەلىسىمگە «قازاقستان حال­قىنا» قورىنىڭ باسقارما تور­اعاسى بولات جامىشەۆ پەن «ار­مان Holding» حالىقارالىق كوم­پانياسىنىڭ پرەزيدەنتى سەرىكباي بيسەكەەۆ استانا قالاسىندا وتكەن «Digital Bridge 2022» تسيفرلىق تەحنولوگيالار جانە بيزنەسكە ارنالعان حالىقارالىق فورۋم اياسىندا قول قويدى. جوبانى ىسكە اسىراتىن سە­رىكتەس – حولدينگ قۇرامىنا كىرەتىن «ار­مان ين­جينيرينگ» جشس.

ىنتىماقتاستىق «قازاقستان حالقىنا» قورى ازىرلەگەن «بولاشاق ينجەنەرلەر» قايىرىمدىلىق جوباسىنىڭ ىسكە اسىرىلۋىنىڭ باستاماسى بولماق. جوبانىڭ ماق­ساتى – روبوتتەحنيكانى زەردەلەۋ ءۇشىن اۋىلدىق جەرلەردە, شاعىن قالالار مەن مونوقالالاردا بالالارعا جاعداي جاساۋ, ينجە­نەر­لىك قۇزىرەتتەر سالاسىندا قول­جە­تىمدى ساپالى ءبىلىم بەرۋ ورتاسىن قامتاماسىز ەتۋ.

«اۋىلدىق جەرلەر مەن مونوقا­لالاردا ءبىلىم بەرۋدى دامىتۋدىڭ ما­ڭىزى زور. سوندىقتان بالالارعا روبوتتەحنيكانى, باعدارلامالاۋدى ۇيرەنۋگە جانە ينجەنەرلىك داعدى­لاردى دامىتۋعا مۇمكىندىك بەرەتىن قاجەتتى جوبانى ىسكە اسىرىپ جاتىرمىز», دەپ اتاپ ءوتتى «قازاقستان حال­قىنا» قورىنىڭ باسقارما تور­اعاسى ب.جامىشەۆ.

جوبانىڭ 2022-2026 جىلدارعا ارنالعان بيۋدجەتى 1 ملرد 339 ملن 668 مىڭ تەڭگە, ونىڭ ىشىندە «قازاقستان حالقىنا» قورى 673 ملن 200 مىڭ تەڭگە, ينجەنەرلىك ءبىلىم بەرۋدى دامىتۋ قورى 464 ملن 508 مىڭ تەڭگە باعىتتاسا, جەر­گىلىكتى اتقارۋشى ورگانداردىڭ قارا­جاتىنان 201 ملن 960 مىڭ تەڭگە بولىنەدى. روبوتتەحنيكا كابي­نەتتەرى قازاقستاننىڭ بار­لىق وبلىسىنداعى اۋىلداردا, اۋدان­دار مەن مونوقالادا جاراق­تاندىرىلادى. 1-6 سىنىپ وقۋ­شىلارى باعدارلامالاۋ, قۇراس­تىرۋ, مەحاترونيكا, ەلەكترتەحنيكا جانە باسقا دا باعىتتار بويىنشا ءبىلىم الادى.

«Arman Holding حالىقارالىق كومپانياسى بۇكىل الەمگە ارنالعان ونىمدەر مەن جوبالاردى دايىنداۋ­دا. بولاشاقتىڭ جاڭا داعدىلارىن بارشا ازاماتقا, اسىرەسە شالعاي اۋىلدار مەن مونوقالالارداعى بالالار ءۇشىن بەيىمدەپ, انا تىلى­مىزدە قولجەتىمدى ەتەتىنىمىزگە قۋا­نىش­تىمىن», دەدى «ارمان Holding» پرەزيدەنتى سەرىكباي بيسەكەەۆ.

«قازاقستان حالقىنا» قوعام­دىق قورى روبوتتەحنيكا كابينەت­تەرىن كونسترۋكتورمەن جانە باعدار­ل­امالىق قامتاماسىز ەتۋمەن جاب­دىقتايدى. ينجەنەرلىك ءبىلىم بە­رۋدى دامىتۋ قورى ۇيىمداستىرۋ ماسەلەلەرىمەن اينالىسادى, ال «ارمان ينجينيرينگ» جشس ءبىلىم بەرۋ سالاسىنا ارنالعان روبوتتەحنيكالىق شەشىمدەردىڭ وتاندىق ءوندىرۋشىسى رەتىندە روبوتتەحنيكا كابينەتتەرىن جوندەۋ مەن راسىمدەۋدى, جيھازبەن جانە وقۋ-ادىستەمەلىك كەشەنمەن جاب­دىقتاۋدى, وقىتۋدى ۇيىمداس­تىرۋ مەن مەكتەپ پەداگوگتەرىن ادىستە­مەلىك قولداۋدى قارجىلاندىرادى.

جوباعا ەلىمىزدىڭ 187 مەكتەبى, ونىڭ ىشىندە 160 اۋداندىق جانە 27 مونوقالا مەكتەپتەرى قاتىسادى. سونداي-اق مەموراندۋم اياسىندا تاراپتار «بولاشاق ينجەنەرلەر» جوباسىن دامىتۋدىڭ جول كارتاسىن ازىرلەدى. جوبا كەلەسى وقۋ جىلىندا ىسكە قوسىلادى دەپ جوس­پارلانىپ وتىر.