«كەدەرگىسىز كەلەشەك» پارتيالىق جوباسى اياسىندا مۇمكىندىگى شەكتەۋلى ازاماتتار دا قاتىسىپ, شارانىڭ الەۋمەتتىك ماڭىزىن ارتتىردى.
سونىمەن قاتار, «جاستار رۋحى» جاستار قاناتىنىڭ بەلسەندىلەرى مەن اماناتتىقتار دا بەلسەندىلىك تانىتتى. جارىس 5 جانە 10 شاقىرىم قاشىقتىقتا ەرلەر جانە ايەلدەر ساناتى بويىنشا ءوتتى. قاتىسۋشىلار جاس ەرەكشەلىكتەرىنە قاراي سىنعا ءتۇسىپ, ءوزارا مىقتىنى انىقتادى.
وبلىس فيليال توراعاسى جاندوس بازارتاي مارافوننىڭ ماڭىزدىلىعىنا توقتالىپ, بۇقارالىق سپورتتى دامىتۋ – ۇلت ساۋلىعىن نىعايتۋدىڭ ماڭىزدى باعىتى ەكەنىن اتاپ ءوتتى.
بۇگىنگى «BIALI SPORT» سەرىكتەستىگىمەن بىرلەسكەن مارافون پارتيانىڭ سالاۋاتتى ءومىر سالتىن قالىپتاستىرۋ باعىتىنداعى جۇمىستارىنىڭ ءبىر كورىنىسى. الدا پارتيا فيليالى «BIALI SPORT» سەرىكتەستىگى جانە وبلىستىق سپورت باسقارماسىمەن بىرلەسىپ ءوڭىر تۇرعىندارى اراسىندا «Amanat health» تاڭعى جاتتىعۋ جوباسىن جۇزەگە اسىرۋدى كوزدەپ وتىر. بۇل جوبا 6 اي بويى جۇرگىزىلىپ, ۇزدىكسىز جاتتىعۋ جاساعان تۇرعىن باعالى سىيلىقپەن ماراپاتتالادى.
«جاڭا ادامدار» قوزعالىسىنىڭ بەلسەندىلەرى ۇلكەن الماتى وزەنىنىڭ جاعالاۋىنان 20 توننا قوقىس جينادى
جالپى جۇلدە قورى 2 ميلليون تەڭگە بولاتىن مارافونعا الماتى, شىمكەنت قالالارى, تۇركىستان, اقتوبە وبلىستارىنان دا سپورتشىلار قاتىستى. جۇلدەگەرلەر قارجىلاي سىيلىقتارمەن ماراپاتتالىپ, بارلىق قاتىسۋشىلارعا ارنايى مەدالدار تابىستالدى.
