پرەزيدەنت • 28 قىركۇيەك، 2022

پرەزيدەنت: مەملەكەتتىك ساياساتتىڭ باستى باعىتى - ادام

55 رەت كورسەتىلدى

مەملەكەت باسشىسى قاسىم-جومارت توقاەۆتىڭ توراعالىعىمەن «Digital Bridge 2022» حالىقارالىق تەحنولوگيالىق فورۋمىنىڭ پلەنارلىق وتىرىسى ءجۇرىپ جاتىر. وندا پرەزيدەنت تسيفرلىق تەحنولوگيالاردىڭ ماڭىزدى باسىمدىقتارىن اتادى، دەپ حابارلايدى Egemen.kz.

«ماڭىزدى باسىمدىقتاردىڭ ءبىرى - «Government to citizens»، ياعني ازاماتتارعا قىزمەت كورسەتۋ سالاسى. تسيفرلىق تەحنولوگيالاردىڭ كومەگىمەن ءبىز ازاماتتاردىڭ كۇندەلىكتى ءومىرىن بارىنشا جەڭىلدەتۋگە جانە بارلىق ادامدار ءۇشىن تەڭ مۇمكىندىكتەرگە قول جەتكىزۋگە نيەتتىمىز. بۇل ءۇشىن مەملەكەتتىك باسقارۋدى تسيفرلاندىرۋدىڭ «Invisible Government» جاڭا ءارى ساپالى فورماتىنا كوشۋ قاجەت. اتالعان فورماتتاعى مەملەكەتتىك ساياساتتىڭ باستى باعىتى - ادام، ونىڭ قاجەتتىلىكتەرى مەن مۇددەلەرى. مەملەكەت قابىلداعان شارالار مەن شەشىمدەردىڭ كەڭ اۋقىمى ازاماتقا كورىنبەيدى، ول تەك ناقتى ناتيجەنى كورەدى»، دەپ اتاپ ءوتتى پرەزيدەنت

وسى تۇستا قاسىم-جومارت توقاەۆ مەملەكەتتىك قىزمەتتەردى تەك مەملەكەتتىك ورگاندار عانا كورسەتپەيتىنىن ايتتى.

«مەملەكەتتىك قىزمەتتەردى تەك مەملەكەتتىك ورگاندار عانا كورسەتپەيدى. بىزدە جەكە سەكتورمەن قالىپتى ءوزارا ءىس-ارەكەت جولعا قويىلعان. اتاپ ايتقاندا، كاسپي، حالىق، BI Group جانە باسقا دا كومپانيالار مەملەكەتتىك قىزمەتتەرگە وزدەرىنىڭ پلاتفورمالارى ارقىلى قول جەتكىزۋگە مۇمكىندىك بەرەدى. ءبىزدىڭ ازاماتتارىمىزدان جەكە كۋالىگىن، جۇرگىزۋشى كۋالىگىن، وقۋ ورنىن بىتىرگەنى تۋرالى ديپلومىن، نەكە تۋرالى كۋالىگىن جانە تاعى دا 15 ءتۇرلى قۇجاتتى وزىمەن بىرگە الىپ ءجۇرۋى جانە كورسەتۋى تالاپ ەتىلمەيدى. بۇل جۇمىس ءسوزسىز جالعاسادى»، دەپ ناقتىلادى مەملەكەت باسشىسى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار