قازاقستان • 27 قىركۇيەك، 2022

تسيفرلىق تاڭبالاۋ جۇيەسى

98 رەت كورسەتىلدى

تاۋارلاردى تسيفرلىق تاڭبالاۋ جانە قاداعالاۋدىڭ بىرىڭعاي وپەراتورى مەملەكەتتىك كىرىستەر كوميتەتىمەن بىرلەسىپ، تەمەكى بۇيىمدارىنىڭ بولشەك ساۋ­داسىمەن اينالىساتىن قازاقستاندىق بيزنەسمەندەرگە ارنالىپ پەتروپاۆل، كوكشەتاۋ جانە قوستاناي قالالارىندا تاۋارلاردى تسيفرلىق تاڭبالاۋ جۇيەسىندە جۇمىس ىستەۋ بويىنشا وقىتۋ سەمينارلارىن وتكىزدى. جالپى، وسىنداي سەمينارلاردى قازاقستاننىڭ تاعى 15 قالاسىندا وتكىزۋ جوسپارلانىپ وتىر.

سەمينار-ترەنينگ بارىسىندا كا­سىپكەرلەر Naqty Sauda Akt جانە Naqty Sauda Kassa ءموبيلدى قوسىم­شالارىمەن جۇمىس ىستەۋگە ۇيرەنىپ، ءونىمدى تسيفرلىق تاڭبالاۋ جۇيەسى تۋرالى تولىعىراق اق­پارات الدى.

ەاەو ەلدەرىندە، ونىڭ ىشىندە قازاق­ستاندا دا، تسيفرلىق تاڭبالاۋ ەكى ول­شەمدى Data Matrix كودى ارقىلى جۇ­زەگە اسىرىلادى. كاسىپكەرلەر ونى ءونىم ورامىنا باسىپ شىعارادى، ال تۇتى­نۋشىلار ونى ارنايى قولدانبا ارقىلى سكانەرلەي الادى.

تسيفرلىق تاڭبالاۋ ەكوجۇيەسىندە جالپى ءۇش ءموبيلدى قوسىمشا بار:

  • Naqty Onim تۇتىنۋشىعا تاڭبا­لانعان ءونىم تۋرالى بارلىق اقپاراتتى بىلۋگە مۇمكىندىك بەرەدى;
  • Naqty Sauda Kassa 2D سكانەرىن ساتىپ الۋ مۇمكىندىگى جوق بولشەك ساۋداگەرلەرگە ارنالعان;
  • Naqty Sauda Akt قابىلداۋ-تاپسىرۋ اكتىلەرىن راستاۋعا نەمەسە قابىلداماۋعا مۇمكىندىك بەرەدى.

سونداي-اق سەمينار قاتىسۋشى­لارىنا «اۆتوماتتى تۇردە كادەگە جاراتۋ» سەرۆيسى ۇسىنىلدى، ونىڭ كومەگىمەن كاسىپكەرلەر «تەمەكى ونىمدەرى» ءونىم توبىندا تاڭبالاۋ كودتارىن اۆتوماتتى تۇردە كادەگە جاراتۋ ار­قىلى جەڭىل­دە­تىلگەن فۋنكتسيا ارقىلى قا­بىلداۋ جانە تاپسىرۋ اكتىلەرىن راستاي­دى.

ء«ار كاسىپكەردىڭ جاڭارتىلعان Naqty Sauda Akt ءموبيلدى قوسىمشاسىنىڭ بار­لىق نۇسقالارىنا قول جەتكىزە وتى­رىپ، ءونىمدى تاڭبالاۋدىڭ ماڭىز­دىلىعىن جانە ونىڭ كونترافاكتىلىك ونىممەن كۇرەستەگى ءرولىن ءتۇسىنۋى وتە ماڭىزدى. ءبىز تاۋارلاردى تاڭبالاۋ جانە قاداعالاۋ جۇيەسىندەگى جۇمىستىڭ ءاربىر كەزەڭىن جاقسارتۋعا تىرىسامىز. بيز­نەسپەن بايلانىس ارنالارىن كوبەيتتىك: تاۋلىك بويى جۇمىس ىستەي­تىن سەنىم تەلەفونى بار، ۆەبينارلار، كەزدەسۋلەر، اقپاراتتىق تۋرلار وتكى­زەمىز. نارىق قاتىسۋشىلارىمەن بىرلەسە وتىرىپ، تاۋارلاردى تسيفرلىق تاڭبا­لاۋعا قاتىستى ءار ماسەلەنى ەگجەي-تەگ­جەيلى پىسىقتاپ جاتىر­مىز»، دەدى ءونىم توبىنىڭ جوبا مەنەد­جەرى لەيلا مۇستافينا.

ەسكە سالا كەتەيىك، 2022 جىلدىڭ 13 شىلدەسىندە تسيفرلىق تاڭبالاۋ تەمەكى ونىم­دەرىن سايكەستەندىرۋ ءۇشىن بۇرىن قول­دانىلعان اكتسيزدىك تاڭبانىڭ فۋنكتسياسىن تولىعىمەن اۋىستىردى. ەندى تسيفر­لىق تاڭ­بالاۋ كودى جوق تەمەكى ونىم­دەرىنىڭ اينالىمى ءۇشىن جوسىقسىز كاسىپكەرلەردىڭ تاۋارلارى تاركىلەنىپ، ليتسەنزياسىنان ايىرىلىپ، ايىپپۇل تولەۋگە مىندەتتى بولادى.

«بارلىق تەمەكى ءونىمى ارنايى كود تۇرىندەگى سايكەستەندىرۋ قۇرالدارىمەن تاڭبالانادى. سونداي-اق 2022 جىلدىڭ 1 قاڭتارىنان باستاپ تەمەكى ونىمدەرىن اكتسيزدىك تاڭبالارمەن تاڭبالاۋ الىنىپ تاستالدى. وسىعان بايلانىستى قا­زاق­ستان رەسپۋبليكاسىنا تاسىمالدا­ناتىن بارلىق تەمەكى ءونىمى تەك ساي­­كەستەندىرۋ قۇرالدارىمەن تاڭ­بالا­نا­دى»، دەدى اقمولا وبلىسى بويىنشا مەملەكەتتىك كىرىستەر دەپارتامەنتىنىڭ اكىمشىلىك باسقار­ماسى­نىڭ اكتسيزدىك سالىق باسقارماسىنىڭ باسشىسى ەرجان شۇلەمبەكوۆ.

بيىل تامىز ايىندا قازاقستانعا تاڭبالانباعان 4 ملن قوراپتان استام تەمەكى زاڭسىز اكەلىنگەن. اتالعان بۇزۋ­شى­لىقتار بويىنشا بيۋدجەتكە تولە­نەتىن كەدەندىك تولەمدەر، سالىق پەن اك­تسيز­دەردىڭ سوماسى 1،2 ملرد تەڭگەنى قۇرادى.

سوڭعى جاڭالىقتار

دوللار تاعى قىمباتتادى

قارجى • بۇگىن، 16:13

رۋدنىي تۇرعىندارى جىلۋسىز قالدى

ايماقتار • بۇگىن، 14:50

ۇقساس جاڭالىقتار