«بىلتىر ستاديوندا فۋتبول ماتچى بولىپ جاتقاندا سپورت كەشەنىنىڭ شاتىرى تۋدىڭ تۇعىرىن باسىپ قالعانى ەلدىڭ ەسىندە. سول كەزدە تۇرعىندار قاۋىپ-قاتەرگە قاراماستان, شاتىردىڭ استىنان كوك بايراعىمىزدى الىپ شىقتى. شىنايى وتانشىلدىق وسىنداي ارەكەتتەن كورىنەدى», دەدى مەملەكەت باسشىسى.
ونىڭ ايتۋىنشا, قۇر سوزدەن تۇك شىقپايدى.
«الاڭدارعا شىعىپ, جالعان ۇران تاستاپ جۇرگەندەردىڭ, مەنىڭشە, ناعىز وتانسۇيگىشتىككە ەشقانداي قاتىسى جوق. قاستەرلى تۋىمىزدى جەرگە تۇسىرمەي الىپ شىققان بىرنەشە جىگىت بۇگىن ورتامىزدا وتىر. ولاردىڭ وتانعا دەگەن ادالدىعىن جاستارعا ۇلگى ەتۋىمىز كەرەك. وسىعان وراي, مەن ابىلقايىر داۋلەتوۆ, بەكمۇرات قاراەۆ جانە نۇركەن نامازعا العىسىمدى جاريالايمىن», دەدى قاسىم-جومارت توقاەۆ.
