«كەشە ۇكىمەتتىڭ كوشى-قون ماسەلەلەرىنە قاتىستى وتكىزگەن جينالىستاعى مالىمەتتەرگە بايلانىستى قوعامدا دۇرىس تۇسىنبەي جاتقاندار بار. شەتەل ازاماتتارىنا زاڭ اياسىندا قىزمەت كورسەتىلەدى. ءبىز حالىقارالىق مىندەتتەرىمىزدى ورىنداي وتىرىپ, ءوز ەلىمىز بەن حالقىمىزدىڭ مۇددەسىنەن جوعارى قۇندىلىق جوق ەكەنىن ۇمىتپاۋىمىز كەرەك. ەڭ ماڭىزدى ماسەلەنىڭ ءبىرى – قۇقىقتىق ءتارتىپ پەن قاۋىپسىزدىك», دەدى ءاليحان سمايىلوۆ ۇكىمەت وتىرىسىندا.
سونداي-اق ول جالدامالى تۇرعىن ءۇي باعالارىنىڭ وسۋىنەن ءوز ازاماتتارىمىزدىڭ قيىن جاعدايعا تاپ بولعانىن ءسوز ەتتى.
«جاۋاپتى ورگاندار تۇرعىن ءۇي نارىعىنداعى احۋالدى تۇراقتاندىرۋ بويىنشا ءتيىستى شارالاردى قابىلداۋ قاجەت. ونى ءبىز كەشە ايتتىق. ەڭبەكپەن قامتۋ بويىنشا ەڭ الدىمەن قازاقستاندىقتاردىڭ جاي-كۇيى, جۇمىس جاعدايى ءبىز ءۇشىن پريوريتەت بولۋى ءتيىس. بارلىق كاسىپورىندار مەن مەكەمەلەر وسىنى ەستەن شىعارماۋ كەرەك. ال, كورشىلەس ەلدەن كەلگەن ميگرانتتار بەلگىلەنگەن زاڭناما شەڭبەرىندە عانا ەڭبەك ەتە الادى. جاعداي كۇندەلىكتى باقىلاۋدا», دەدى ۇكىمەت باسشىسى.
