MASH Telegram ارناسىنىڭ مالىمەتىنشە ءۇش بەلگىسىز ادام پوليتسيا عيماراتىنا كىرمەك بولعان. ءتارتىپ ساقشىلارى ولاردى ۇستاۋعا تىرىسقاندا, كەنەتتەن اتىس باستالىپ كەتكەن.
شابۋىل جاساۋشىلاردىڭ ءبىرى عيماراتقا اۆتوكولىكپەن كىرۋگە تىرىسقان. كولىك سالونىندا قولدان جاسالعان جارىلعىش زات بولعانى انىقتالدى.
پوليتسيا كولىك تىزگىندەگەن ايەلدى توقتاتۋ ماقساتىندا وق جاۋدىردى, ءدال سول كەزدە سنارياد جارىلىپ كەتكەن. وقيعا سالدارىنان ءبىر پوليتسەي قازا تاپتى, ەكىنشىسى اۋىر حالدە اۋرۋحاناعا جەتكىزىلدى.
جەرگىلىكتى پوليتسيا وقيعاعا قاتىسى بار ەكى كۇدىكتى جايلى حابارلادى. پوليتسيا قىزمەتكەرلەرى اۆتوكولىكتە جاتقان جارىلعىش زات قاشىقتان جارىلدى دەگەن بولجام جاسادى.
