جەرلەسىمىز حالىقارالىق ءتۋرنيردىڭ فينالىندا رەيتينگتە وزىنەن الدەقايدا تومەن ورنالاسقان (65-ورىن) يتاليالىق لورەنتسو سونەگومەن شەبەرلىك بايقاستى. ءبىرىنشى پارتيادا تارازى باسى ءار سەت سايىن تەڭسەلىپ تۇرعانىمەن, تاي-برەيكتە ل.سونەگونىڭ جولى بولدى – 7:6 (7:3). ەكىنشى سەتتە قارقىنىن ارتتىرعان يتاليالىق تەننيسشى ايقىن باسىمدىقپەن جەڭىسكە جەتتى – 6:2.
ەكى ساعاتقا جۋىق جالعاسقان كەزدەسۋدە ا.بۋبليك 7 ەيس جاساعانىمەن, 3 برەيك-پوينتىن پايدالانا المادى. قارسىلاسى 6 ەيسپەن بىرگە 2 برەيككە قول جەتكىزدى. وسىلايشا, بۋبليك ATP جارىستارىنداعى جەتىنشى فينالىندا جەڭىلىپ قالدى. ول بيىل ءبىر تۋرنيردە عانا جەڭىسكە جەتتى. جىل باسىندا مونپەلەدە وتكەن تۋرنيردە باس جۇلدەنى ولجالاعان بولاتىن.
الەكساندر بۋبليك فينالداعى جەڭىلىسىنە قاراماستان, كۇنى كەشە جاڭارعان الەمدىك رەيتينگتە 44-ورىننان 41-ورىنعا جوعارىلادى.
