جەتىسۋ وبلىسى اكىمىنىڭ ءباسپاسوز قىزمەتىنىڭ حابارلاۋىنشا, وبلىس اۋماعىنان وتەتىن تالدىقورعان – قالباتاۋ – وسكەمەن جولىنىڭ قالعان 15 شاقىرىمىنا اسفالت توسەۋ قازان اياعىنىڭ سوڭىنا دەيىن اياقتالادى. كوپىر سالۋ جۇمىستارى دا بىتۋگە جاقىن. جالپى, نىسان كەلەسى جىلى تولىق ىسكە قوسىلادى. جىل سوڭىنا دەيىن ءۇشارال – دوستىق جولىنا اسفالت سالۋ دا اياقتالۋعا ءتيىس. بۇل تۋرالى الاكول اۋدانى تۇرعىندارىمەن بولعان كەزدەسۋدە وبلىس اكىمى بەيبىت يساباەۆ مالىمدەدى.
سول سياقتى 5 اۋىل مەن ءۇشارال قالاسىندا 19,4 شاقىرىم جول جوندەلەدى. سونىڭ ناتيجەسىندە جاقسى جانە قاناعاتتانارلىق جاعدايداعى جولداردىڭ ۇلەسى 38%-عا جەتەدى. سونىمەن قاتار بۇگىنگى تاڭدا وبلىستىق ماڭىزى بار «الماتى – وسكەمەن – ارقارلى» اۆتوموبيل جولىن ورتاشا جوندەۋدەن وتكىزۋ ءۇشىن 1,2 ملرد تەڭگەگە تەحنيكالىق قۇجاتتاما ازىرلەندى. جول جوندەۋ جۇمىستارى 2023 جىلى باستالادى. وبلىستىق ماڭىزى بار «قابانباي – لەپسى, ۇشقايىڭ (بيبىقان) اۋىلىنا كىرەبەرىس» اۆتوموبيل جولىن ورتاشا جوندەۋگە 700 مىڭ تەڭگەگە تەحنيكالىق قۇجاتتاما ازىرلەنىپ جاتىر. قۇجات وسى جىلدىڭ سوڭىندا دايىن بولۋى ءتيىس. بۇدان بولەك «قابانباي – كوكتۇما» جانە «قابانباي – لەپسى» باعىتتارى بويىنشا 3 كوپىردىڭ قۇرىلىسى جۇرگىزىلۋدە. وسى جىلدىڭ سوڭىنا دەيىن ەكى كوپىر سالىنىپ بىتەدى.
جەتىسۋ وبلىسى اۋماعىنان وتەتىن تالدىقورعان – قالباتاۋ – وسكەمەن جولىنىڭ قالعان 15 شاقىرىمىنداعى اسفالت توسەۋ قازان ايىنىڭ سوڭىنا دەيىن اياقتالادى. كوپىر سالۋ جۇمىستارى دا بىتۋگە جاقىن. جالپى, نىسان كەلەسى جىلى تولىعىمەن ىسكە قوسىلادى. جىل سوڭىنا دەيىن ءۇشارال – دوستىق جولىنا اسفالت سالۋ دا اياقتالۋعا ءتيىس. بۇل تۋرالى الاكول اۋدانى تۇرعىندارىمەن بولعان كەزدەسۋدە وبلىس اكىمى بەيبىت يساباەۆ ايتتى, دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
«رەسپۋبليكالىق ماڭىزداعى تراسسانى جاڭعىرتۋ جۇمىستارىنىڭ ۇزاققا سوزىلۋىنان جەرگىلىكتى تۇرعىندار دا, جولاۋشىلار دا قيىندىق كوردى. بۇعان قوسا ءتۋريزمدى دامىتۋعا تەجەۋ بولدى. ياعني ءوڭىر ەكونوميكاسىنا دا, حالىقتىڭ تۇرمىس ساپاسىنا دا اسەر ەتىپ وتىر دەگەن ءسوز. جالپى, جىل باسىنان بەرى 33 شاقىرىمدا جۇمىس اياقتالۋعا ءتيىس ەدى, سونىڭ 18 شاقىرىمىنا اسفالت توسەلگەن. ەندى قالعان شاقىرىمىن قازاننىڭ سوڭىنا دەيىن ءبىتىرۋ مىندەتىن قويىپ وتىرمىز. جول جيەگىن اباتتاندىرۋ, سول سياقتى جوبانىڭ باسقا دا قالعان ۇساق-تۇيەك جۇمىستارىن كەلەسى جىلى اياقتايمىز. قازىر بىزگە ەڭ ماڭىزدىسى جولدى اشىپ, كولىكتەردىڭ قوزعالىسىنا جاعداي جاساۋ», دەدى ب.يساباەۆ.
«قازاۆتوجول» اق وبلىستىق فيليالىنىڭ مالىمەتىنشە, قالعان ۋچاسكەلەر الاكول, سارقان, اقسۋ, ەسكەلدى اۋداندارىنىڭ اۋماعىنان وتەدى. سول سياقتى جانسۇگىروۆ, ساعابۇيەن, قابانباي, كولباي اۋىلدارىنداعى 4 كوپىردى ءبىتىرۋ كەرەك. ەگەر اۋا رايى بۇزىلىپ كەتپەسە, جوسپارلانعان جۇمىس اۋقىمى بەلگىلەنگەن مەرزىمگە دەيىن اياقتالۋى ءتيىس. نەگىزىنەن كوپىردى قىستا دا سالا بەرۋگە بولادى.
اۋداندا ءتۋريزمدى دامىتۋداعى تاعى ءبىر ماڭىزدى ماسەلە – اقشي مەن كوكتۇما اۋىلدارىندا جاز ماۋسىمىندا ەلەكتر ەنەرگياسى جەتىسپەيدى, جارىق ءجيى وشەدى. وسى پروبلەمانى شەشۋ ماقساتىندا بيىل اقشي اۋىلىندا 67 شاقىرىمنان اساتىن ەلەكتر تاراتۋ جەلىسىنىڭ قۇرىلىسى جوباسىن جۇزەگە اسىرۋعا جەرگىلىكتى بيۋدجەتتەن 300 ملن تەڭگەدەن استام قارجى بولىنگەن, جوبانىڭ جالپى قۇنى – 688 ملن تەڭگە. اياقتالۋ مەرزىمى – 2023 جىلعى اقپان. سول سياقتى «اقشي» جاڭا قوسالقى ستانساسىن سالۋ مەن بەسكول, اقشي اۋىلدارىنا ەلەكتر تاراتۋ جەلىلەرىن تارتۋدىڭ جوبالىق-سمەتالىق قۇجاتتاماسىن ازىرلەۋگە 111 ملن تەڭگە ءبولىندى, جالپى قۇنى – 123,5 ملن تەڭگە. جۇمىستار 2023 جىلدىڭ مامىر ايىندا اياقتالادى دەپ جوسپارلانىپ وتىر.
جاعانى بەكىتۋ مەن جاعالاۋداعى كارىز تازارتۋ جۇيەسىنىڭ قۇرىلىسى دا ءالى كۇنگە وزەكتى بولىپ وتىر. جوسىقسىز مەردىگەر جوبانى جارتى جولدا قالدىرعان. وسىعان بايلانىستى قازىر جۇمىس توقتاپ تۇر, سوت پروتسەستەرى ءجۇرىپ جاتىر. سونداي-اق جەرگىلىكتى جەرلەردە مۇنداي جاعدايدىڭ قالىپتاسۋ سەبەپتەرىن انىقتاۋ ماقساتىندا قىزمەتتىك تەكسەرۋ جۇرگىزىلۋدە. سونىڭ ناتيجەسى بويىنشا جاۋاپتى تۇلعالارعا ءتيىستى شارالار قولدانىلاتىن بولادى.
تاعى ءبىر اتاپ وتەرلىگى, وسى جىلدىڭ تامىز ايىندا ءۇشارال قالاسىنداعى اۋەجايدىڭ ۇشۋ-قونۋ جولاعى قايتا جاڭعىرتىلىپ, استانا, الماتى, تالدىقورعان باعىتتارىنداعى اۋە قاتىناسى قايتا جانداندى.
جاز كەزىندە الاكول جاعالاۋىنداعى دەمالىستى ءتيىمدى ۇيىمداستىرۋ ءۇشىن استانا مەن الماتى قالالارىنان, شىعىس قازاقستان مەن اباي وبلىستارىنان 10 رەيس پويىز قاتىنادى. الداعى ۋاقىتتا ءوڭىر تۇرعىندارى ۇشاقپەن دە, پويىزبەن دە جىل بويى ۇزدىكسىز جۇرە الادى.
جالپى, كول جاعالاۋىندا ءتۋريزمنىڭ 288 نىسانى ورنالاسقان, سونىڭ 165-ءى – قوناقۇي, 3-ەۋى – ساۋىقتىرۋ لاگەرى, 44-ءى – دەمالىس ءۇيى, 64-ءى دەمالىس بازاسى. وسىلاردىڭ 10-ى بيىل ىسكە قوسىلدى. ولاردىڭ جوبالىق قۇنى 1,4 ملرد تەڭگە, 67 جۇمىس ورنى قۇرىلعان, 1 290 ورىندىق ءنومىر قورى بار. جازعى ماۋسىمنىڭ قورىتىندىسى بويىنشا الاكول جاعالاۋىندا 1,5 ملن ادام دەمالعان. بىلتىر 1,3 ملن ادام كولگە ءتۇسىپ, تىنىعىپ قايتقان ەدى.
