تەرگەۋ دالەلدەگەندەي, اليمەنت تولەمەۋ ءۇشىن ەر ادامدار جۇمىس ورىندارىن ادەيى جاسىرىپ, بالالارىنا قامقورلىق كورسەتۋدى انالارىنىڭ موينىنا جۇكتەگەن. مىسالى, اليمەنتتى قاساقانا تولەمەگەن س. ءۇش جىل بويى ءوز بالالارىن اسىراۋعا سانالى تۇردە تولەم جاساماعان جانە ونىڭ بەرەشەگى 2 ملن تەڭگەدەن اسقان.
2022 جىلدىڭ 1 قىركۇيەگىندە كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتتىڭ ۇكىمىمەن بورىشكەر س. قر قىلمىستىق كودەكسىنىڭ 139-بابى (بالالارىن كۇتىپ-باعۋعا ارنالعان قاراجاتتى تولەۋ جونىندەگى مىندەتتەردى ورىنداماۋ) بويىنشا كىنالى دەپ تانىلدى جانە وعان 1 جىل مەرزىمگە باس بوستاندىعىن شەكتەۋ تۇرىندەگى جازا تاعايىندالعان.
سونىمەن قاتار, 62 بورىشكەرگە قاتىستى اكىمشىلىك ىستەر قوزعالدى, ونىڭ ىشىندە سوت 34 ادامدى قاماۋعا الىپ, 28 ادامعا جالپى سوماسى 403 مىڭ تەڭگە ايىپپۇل سالىندى. جۇرگىزىلگەن جۇمىس ناتيجەسىندە اليمەنت بويىنشا 52 ملن تەڭگە كولەمىندە قارىز وتەلدى.
