يراننىڭ 100-دەن استام قالاسى مەن 30 پروۆينتسياسىندا نارازىلىق شارالارى ءوتىپ جاتىر. شەرۋشىلەر پوليتسيا مەن ۇكىمەت عيماراتتارىن ورتەپ جىبەرگەن. ءتارتىپ ساقشىلارىنىڭ كوپشىلىككە وق اتقانى جايلى حابار دا تارالا باستادى. نارازىلىق كەزىندە بەس پوليتسيا قىزمەتكەرى قازا تاپقان.
ەلدە ءموبيلدى ينتەرنەت ءوشىرىلدى. يراننىڭ بارلاۋ مينيسترلىگى كەشە, 22 قىركۇيەكتە نارازىلىق شەرۋلەرىنە قاتىسۋ زاڭسىز ەكەنىن ەسكەرتتى. ەندى بارلىق دەمونسترانتتار سوتقا تارتىلاتىنىن ايتىپ قورقىتىپ جاتىر.
ايتا كەتەيىك, ەلدەگى تولقۋلارعا سەبەپشى بولعان ماحسا اميني حيدجابتى دۇرىس كيمەگەن دەگەن ايىپپەن ۇستالعان. يراننىڭ قاۋىپسىزدىك كۇشتەرى قىزدىڭ ۋاقىتشا ۇستاۋ يزولياتورىندا جۇرەك تالماسىنان ەسىنەن تانىپ, قايتىس بولعانىن ايتادى. ال ونىڭ تۋىستارى ءولىمدى سوققىنىڭ كەسىرىنەن دەپ ەسەپتەيدى.
وسىدان سوڭ, يران پرەزيدەنتى يبراحيم رايسي شۇعىل رەسمي تەرگەۋ جۇرگىزۋگە بۇيرىق بەردى.
