قوعام • 22 قىركۇيەك، 2022

قاتتالعان قالا تاريحى

52 رەت كورسەتىلدى

حالىقتىڭ قالاۋىمەن نۇر-سۇلتان قالاسى قايتا استانا بولىپ بەكىدى. بۇل دا – ءبىر تاريحي وقيعا. تەرەڭ­نەن تارتساڭىز، تالاي رەت اتى جاڭارعان اسەم شا­ھارعا استانا ەسىمى ءار بەرىپ تۇرعانداي. ايتۋعا وڭاي ءھام استارلى. اسىرەسە جاس­تاردى ەرەكشە كۇيگە بولەيدى. مۇنى «مەنىڭ قالام­نىڭ تاريحى» اتتى ەكسكۋر­سيالىق كورمەدە بايقادىق.

«ارحيۆ جانە بولاشاق ۇرپاق» جوبا­سىنىڭ نەگىزىندە جۇزەگە اسقان، مەكتەپ وقۋشىلارىنا ارنالعان كورمە كوپتىڭ كوڭىلىنەن شىقتى. بالالار قالا شەجىرەسىنە قانىعىپ، فوتوسۋرەتتەردى تاماشالادى. جالپى، يگىلىكتى شاراعا مۇرىندىق بولعان استانا قالاسىنىڭ مەملەكەتتىك ءارحيۆى مەن مادەنيەت جانە سپورت مينيسترلىگىنىڭ ارحيۆ ىستەرى جانە قۇجاتتامانى باسقارۋ كوميتەتى.

ءىس-شارانىڭ نەگىزى ماقساتى – بالا­لاردىڭ وتانعا دەگەن سۇيىسپەنشىلىگىن وياتۋ. سونداي-اق ەلوردامىزدىڭ قالىپ­تاسۋ تاريحىمەن جاقىن تانىستىرىپ، پاتريوتيزمگە تاربيەلەۋ. راسىندا جاس­تار وزدەرىنىڭ سۇيىكتى قالاسىنىڭ تاريحىن تەرەڭىنەن تانىپ تۇيسىنەتىن بول­سا، وتكەنگە قۇرمەتپەن قارايتىنى انىق. وسى ورايدا ۇيىمداستىرىلعان كورمەنىڭ وقۋشىلارعا بەرەر قۇندىلىعى كوپ. وتپەلى كەزەڭدەر مەن ايشىقتى وقيعالار، ساۋلەت كەشەندەرى، عاجايىپ عيماراتتاردىڭ ءبارى ۋاقىتتىڭ جاڭعى­رىعى ىسپەتتى. جۇرەككە جىلىلىق قۇيادى.

ءىس-شارا بارىسىندا وقۋشىلار كور­مەنى قىزىعا تاماشالادى. مامان­دارعا سۇراقتار قويىپ، وزدەرىنە قىزىق ءارى كەرەك اقپاراتتارعا قانىقتى. ۇيىمداس­تىرۋشىلار تاراپىنان ۆيكتورينالىق ساۋالدارعا دۇرىس جاۋاپ بەرگەن وقۋ­شىلارعا «ەلوردا – تاۋەلسىزدىك سيمۆولى» اتتى كىتاپ سىيعا تارتىلدى.

سوڭعى جاڭالىقتار

UNESCO احمەت بايتۇرسىن ۇلىن القالادى

احمەت بايتۇرسىن ۇلى • كەشە

اقاڭنىڭ «الىپپەسى»

رۋحانيات • كەشە

بۇل – جوسپارلى جوندەۋ

ايماقتار • كەشە

كوفە جانە ادەبيەت 7

ادەبيەت • كەشە

اڭىزعا اينالعان اۋلەت

قازاقستان • كەشە

بالالارعا بازارلىق

قوعام • كەشە

ۇقساس جاڭالىقتار