مينيسترلەر كابينەتىنىڭ ءبىرىنشى ورىنباسارى دانيار امانگەلديەۆتىڭ ايتۋىنشا, اەس ماسەلەسى ەلدىڭ ەنەرگەتيكا سالاسىنىڭ بولاشاعىمەن تىكەلەي بايلانىستى. قازىرگى كەزەڭدە ناقتى قۇرىلىس ەمەس, دايىندىق جۇمىستارى — قاجەتتى ينفراقۇرىلىمدى دامىتۋ جانە مامانداردى دايارلاۋ تۋرالى ءسوز بولىپ وتىر.
ء«بىز «روساتوممەن» ينفراقۇرىلىم قۇرۋ جانە كادرلاردى دايارلاۋ بويىنشا جۇمىس ىستەپ جاتىرمىز. تەك وسىدان كەيىن عانا قۇرىلىس ماسەلەسىن قاراستىرۋعا بولادى», دەدى ول.
دانيار امانگەلديەۆ تۇپكىلىكتى شەشىم ازاماتتاردىڭ قاتىسۋىمەن قابىلداناتىنىن اتاپ ءوتتى. بۇل ماسەلەنى رەفەرەندۋمعا شىعارۋ جوسپارلانىپ وتىر.
ەلىمىزدەگى ەكىنشى اەس الماتى وبلىسىندا سالىنادى
ء«بىز حالىقپەن اقىلداسامىز. زامان اعىمىنا ساي جۇرەمىز بە, جوق پا بىرگە شەشەمىز», دەدى ول.
وسى تۇرعىدا قىرعىزستان قازاقستاننىڭ جولىن قايتالاۋى مۇمكىن. قازاقستاندا 2024 جىلى اەس قۇرىلىسىنا قاتىستى رەفەرەندۋم ءوتىپ, ازاماتتار ستانتسيا سالۋدى قولداعان ەدى. ەلدەگى العاشقى اەس-ءتىڭ باس مەردىگەرى رەتىندە «روساتوم» تاڭدالعان.
جاپونيا الەمدەگى ەڭ ءىرى اەس-ءتى ىسكە قوسۋ تۋرالى شەشىم قابىلدادى
ەگەر رەفەرەندۋم وتكىزۋ تۋرالى شەشىم قابىلدانسا, بۇل قىرعىزستاننىڭ الداعى جىلدارعا ارنالعان ەنەرگەتيكالىق ستراتەگياسىنداعى ماڭىزدى قادامداردىڭ ءبىرى بولماق.
