ورتالىق ازيا ەلدەرى كاسىپوداقتارى كەڭەسى (واەكك) مۇشەلەرىنىڭ ءبىراۋىزدان قابىلدانعان شەشىمىمەن قازاقستان رەسپۋبليكاسى كاسىپوداقتار فەدەراتسياسىنىڭ توراعاسى ساتىبالدى داۋلەتالين وسى ۇيىمنىڭ باس حاتشىسى بولىپ سايلاندى.
ساتىبالدى داۋلەتالين كورسەتىلگەن سەنىم ءۇشىن العىسىن ءبىلدىرىپ, ورتالىق ازيا ايماعىندا كاسىپوداق قوزعالىسىن ودان ءارى پروگرەسسيۆتى دامىتۋ ءۇشىن ەڭبەك ەتەتىنىن باسا ايتتى.
ء«بىزدىڭ مەملەكەتتەرىمىزدىڭ حالىقتارىنىڭ تاريحي تامىرى ورتاق, باۋىرلاستىق جانە تاتۋ كورشىلىك قاتىناستارى بار. ورتالىق ازيا ەلدەرىنىڭ كاسىپوداقتار كەڭەسى ورتالىق ازيا ايماعىنداعى 15 ميلليوننان استام جۇمىسكەردىڭ لايىقتى ەڭبەك ستاندارتتارى مەن ءادىل جالاقىعا قول جەتكىزۋ جولىنداعى ىنتىماعىن نىعايتۋعا جانە حالىقارالىق كاسىپوداق ىنتىماقتاستىعىن نىعايتۋعا ىقپال ەتۋگە نيەتتى. ءبىز بىرىگىپ كەڭەس مۇشەلەرىنە ورتاق ماقسات – ەڭبەك ادامىنىڭ مۇددەلەرى مەن قۇقىقتارىن قورعاۋدى كوزدەپ وتىرمىز. مەن ءوز تاراپىمنان كەڭەس باستامالارىن حالىقارالىق كاسىپوداق قوزعالىسىنىڭ بارلىق الاڭدارىندا ىلگەرىلەتۋ ءۇشىن ءوز ءبىلىمىم مەن تاجىريبەمدى جۇمسايمىن», دەدى ساتىبالدى داۋلەتالين.
سونداي-اق, كەڭەس مۇشەلەرى – ورتالىق ازيا ەلدەرىنىڭ ۇلتتىق كاسىپوداق ورتالىقتارى كوشباسشىلارىنىڭ وتىرىسىندا ۇيىمعا جاڭا مۇشەلەر – قىرعىزستان كاسىپوداقتار فەدەراتسياسى مەن موڭعوليا كاسىپوداقتار كونفەدەراتسياسىنىڭ جىبەرگەن وتىنىشتەرىنە سايكەس مۇشەلىككە ەنگىزۋ تۋرالى شەشىم قابىلداندى.
كەڭەستىڭ ماقساتى – ەڭبەككەرلەردىڭ الەۋمەتتىك-ەڭبەك, كاسىپتىك, ەكونوميكالىق جانە وزگە دە زاڭدى قۇقىقتارى مەن مۇددەلەرىن, كاسىپوداقتاردىڭ قۇقىقتارى مەن كەپىلدىكتەرىن قورعاۋ بويىنشا واەكك مۇشەلەرىنىڭ ءىس-ارەكەتتەرىن بىرىكتىرۋ.
