پاراتەننيستەن العاش رەت قازاقستان چەمپيوناتى ءوتتى

ەل بىرىنشىلىگىنە اقتوبە, اقتاۋ, ورال, قاراعاندى, استانا جانە الماتى قالالارىنان 40-تان استام سپورتشى قاتىستى.

چەمپيوناتتىڭ اشىلۋ راسىمىندە قازاقستان تەننيس فەدەراتسياسىنىڭ (قتف) اتقارۋشى ديرەكتورى دەيۆ مايليگە ۇلتتىق پاراليمپيالىق كوميتەتتەن قتف-نى ارباداعى تەننيس بويىنشا سپورتتىق فەدەراتسيا دەپ تانۋ تۋرالى سەرتيفيكات تاپسىرىلدى.

جارىس ءتورت جاس ەرەكشەلىگىنە قاراي وتكىزىلىپ, مىنا سپورتشىلار جۇلدەگە ىلىكتى:

ەرلەر 16+:

1.داستان نيازوۆ (اقتوبە)

2.فەدور ستارىگين (قاراعاندى)

3.ەۆگەني بىكوۆ (قاراعاندى).

قىزدار 16+:

1.ايشۋاق جەتپەيىسوۆا (قاراعاندى)

2.ايگۇل بەردىشەۆا (اقتوبە)

3.اسەل اساۋباەۆا (قاراعاندى).

بوزبالالار 14-15 جاس:

1.ماديار بايكەنوۆ (اقتوبە)

2.تۇراربەك مارات (ورال)

3.نازار تروفيموۆ (اقتاۋ).

بالالار 7-8 جاس:

1.يۆان سولوۆەۆ (الماتى)

2.حوليد رۋستاموۆ (استانا).

سونداي-اق استانالىق دىنمۇحامەد الياكپاروۆ «ۇزدىك تەحنيكاسى ءۇشىن», ورالدىق البينا بەكجانوۆا مەن اقتوبەلىك ەۆگەني ەدەلەۆ «جەڭىسكە دەگەن جىگەرى ءۇشىن» اتالىمىمەن ماراپاتتالدى.

«ارباداعى تەننيس الەمدە كەڭىنەن تانىمال. ۋيمبلدون, اقش, اۋستراليا, فرانتسيا اشىق چەمپيوناتتارى سەكىلدى «ۇلكەن دۋلىعا» تۋرنيرلەرى بار. ءوز جۇلدىزدارى دا از ەمەس. قازاقستاندىق سپورتشىلار سولاردىڭ قاتارىنا قوسىلاتىنىنا سەنەمىن. ەڭ باستىسى, ايانباي تەر توگۋ كەرەك. تۋرنير قورىتىندىسى بويىنشا ۇلتتىق قۇراما جاساقتالىپ, الداعى جىلى قىتايدا وتەتىن حالىقارالىق جارىسقا العاش رەت قاتىسادى», دەدى قازاقستان تەننيس فەدەراتسياسىنىڭ اتقارۋشى ديرەكتورى دەيۆ مايلي.