قاسىم-جومارت توقاەۆ امەريكالىق قارجىگەرلەرگە قازاقستانداعى اۋقىمدى ساياسي جانە ەكونوميكالىق رەفورمالار تۋرالى مالىمەت بەردى.
مەملەكەت باسشىسى بۇل ماڭىزدى وزگەرىستەردىڭ قارجى-ەكونوميكا سەكتورىنا ىقپالى تۇرعىسىنان ءمانى زور ەكەنىن جەتكىزدى.
«بيزنەس پەن قارجى ينستيتۋتتارى ءۇشىن بۇل نەنى بىلدىرەدى؟ بۇل نارىققا شىعۋ جولىن كەڭەيتۋ مەن اشىقتىقتى قاماتاماسىز ەتۋ. جالپى, جەكە سەكتور مەن حالىقارالىق سەرىكتەستەر ءۇشىن جاڭا مۇمكىندىكتەر اشۋ دەگەندى بىلدىرەدى», دەدى پرەزيدەنت.
كەزدەسۋ بارىسىندا قاسىم-جومارت توقاەۆ ەكونوميكانىڭ ماڭىزدى سەكتورلارىندا بىرلەسكەن ينۆەستيتسيالىق جوبالاردى جۇزەگە اسىرۋداعى قازاقستاننىڭ مۇمكىندىكتەرىنە نازار اۋداردى.
مەملەكەت باسشىسى ءوز سوزىندە «سامۇرىق-قازىنا» ۇلتتىق ءال-اۋقات قورىمەن ىنتىماقتاستىقتىڭ پەرسپەكتيۆالارىنا توقتالدى. پرەزيدەنت قوردىڭ اكتيۆتەرىن جەكەشەلەندىرۋگە بايلانىستى جاڭا مۇمكىندىكتەر اشىلاتىنىن اتاپ ءوتتى.
سونلداي-اق قاسىم-جومارت توقاەۆ ەنەرگەتيكا, جاسىل ەكونوميكا, كولىك جانە لوگيستيكا, اۋىل شارۋاشىلىعى سالالارىنداعى ەلىمىزدىڭ زور الەۋەتىنە, سونداي-اق «استانا» حالىقارالىق قارجى ورتالىعىندا جاسالعان قولايلى جاعدايعا نازار اۋداردى.
كەزدەسۋ سوڭىندا پرەزيدەنت قازاقستان ۇكىمەتى ينۆەستيتسيالىق جوبالاردى جۇزەگە اسىرۋدا امەريكالىق ىسكەر توپتارعا جان-جاقتى قولداۋ كورسەتۋگە دايىن ەكەنىن جەتكىزدى.
