ەكونوميكا • 15 قىركۇيەك، 2022

جەل ەلەكتر ستانساسى ىسكە قوسىلدى

71 رەت كورسەتىلدى

قازاقستاندا قۋاتى 60 مۆت-تى قۇرايتىن جاڭا جەل ەلەكتر ستانساسى پايدالانۋعا بەرىلدى. ەنەرگەتيكالىق نىسان جاڭعىرمالى ەنەرگيا كوزدەرى الەۋەتىن دامىتۋعا قولايلى بىرەگەي ايماقتا – الماتى وبلىسى ەڭبەكشىقازاق اۋدانى شەلەك دالىزىندە سالىنعان.

«سامۇرىق-ەنەرگو» اق حابارلاۋىنشا، جوبانىڭ جالپى قۇنى – 37،4 ملرد تەڭگە. جاڭا ستانسا ءاربىر نومينال قۋاتى 2،5 مۆت بولاتىن 24 جەل ەنەرگەتيكالىق قوندىرعىسىنان تۇرادى. بۇدان بولەك، وعان قوسالقى ستانسا، سوعان سايكەس ينفراقۇرىلىم سالىنىپ، سونداي-اق اۋە ەلەكتر جەتكىزۋ جەلىلەرى تارتىلعان. ستانسادا الەمدىك جەل تۋربينالارىن وندىرەتىن جەتەكشى كومپانيالاردىڭ ءبىرى – GoldWind كومپانياسىنىڭ جابدىقتارى پايدالانىلعان.

جاڭا جەل ەلەكتر ستانساسى جىلىنا 225،7 ملن كۆت/ساعات ەلەكتر ەنەرگياسىن وندىرمەك. وندىرىستىك سيپاتتامالارىنان بولەك، جوبا ءوزىنىڭ ەكولوگيالىق قۇرىلىمى تۇرعىسىنان دا ءوڭىر ءۇشىن ماڭىزدى. ەلەكتر ستانساسىن سالۋ جانە ونى ىسكە قوسۋ پارنيكتىك گازدار شىعارىندىلارىن 206 مىڭ تونناعا دەيىن ازايتۋعا مۇمكىندىك بەرەدى. سونداي-اق جىلىنا شامامەن 89 مىڭ توننا ءداستۇرلى وتىننىڭ ورنىنا جۇرەتىن بولادى.

جوبانى «سامۇرىق-ەنەرگو» اق قازاق­ستان­دىق ەلەكتر ەنەرگەتيكالىق حولدينگى Power China قىتاي كورپوراتسياسى­مەن بىرلەسە ىسكە اسىردى. بۇل ەنەرگەتيكا سالاسىنداعى حالىقارالىق ىنتىماقتاس­تىقتىڭ تابىستى ۇلگىسى بولىپ سانالادى.

جەل ەلەكتر ستانساسىن ىسكە قوسۋعا ارنالعان ءىس-شارا اياسىندا «سامۇرىق-قازىنا» اق مەن Power Construction Corporation of China Ltd اراسىندا ىنتىماقتاس­تىق تۋرالى مەموراندۋمعا قول قويىلدى. قۇجات ستانسانى كەڭەيتۋ جانە ونىڭ قۋاتىن 300 مۆت-قا دەيىن ارتتىرۋ ارقىلى جوبانىڭ ەكىنشى كەزەڭىن ىسكە اسىرۋدى كوزدەيدى.

جاڭا ەنەرگەتيكالىق نىساندى سالۋ كەزىندە 300 ادام جۇمىسپەن قامتىلعان. ستانسانى ودان ءارى پايدالانۋ ءۇشىن 14 مامان دايارلانىپ، جۇمىسقا ورنالاستىرىلدى.

«سامۇرىق-ەنەرگو» ساراپشىلارىنىڭ ايتۋىنشا، الماتى قالاسى مەن الماتى وبلىسىندا قازىرگى كۇنى جۇمىس ىستەپ تۇرعان ەنەرگەتيكالىق قۋاتتارعا (الماتى جەو، قاپشاعاي جانە الماتى گەس كاس­كادى، جامبىل گرەس، سونداي-اق ەسىك، مويناق، قاراتال، تالدىقورعان گەس-تەرى) قاراماستان، بۇل وڭىردە ەنەرگيا تاپشىلىعى بار ءارى مۇندا وتىن رەسۋرستارى جەتكىلىكتى دەڭگەيدە ەمەس. ءوندىرۋشى قۋاتتاردىڭ جەتىسپەۋشىلىگىنەن وبلىستىڭ ەلەكتر ەنەرگياسىنا دەگەن مۇقتاجدىعىن وبلىستىڭ ەنەرگيا كوزدەرى 50 پايىزعا عانا وتەيدى. تاپشىلىق سىرتقى ەنەرگيا وندىرۋشىلەر (رەسپۋبليكانىڭ سولتۇستىك وبلىستارىنان، جامبىل گرەس-ءى جانە قىرعىزستاننان) ەسەبىنەن جابىلادى. 

«سامۇرىق-ەنەرگو» اق باسقارما توراعاسىنىڭ مىندەتىن اتقارۋشى سەرىك تۇيتە­باەۆتىڭ ايتۋىنشا، كومپانيا جاڭعىر­مالى ەنەرگەتيكانى دامىتۋعا ەرەكشە كوڭىل بولەدى. ەنەرگەتيكالىق حولدينگتە بۇگىندە 5 جاڭعىرمالى ەنەرگيا كوزدەرى نىسانى جۇمىس ىستەيدى – كۇن، جەل ەلەكتر ستانسالارى، شاعىن سۋ ەلەكتر ستانسالارى. اتالعان جاڭعىرمالى ەنەرگيا كوزدەرى نىساندارىنىڭ ەلەكتر ەنەرگياسىن ءوندىرۋى 2022 جىلعى قاڭتار-شىلدەدە 206،6 ملن كۆت/ساتتى قۇراعان. بۇل 2021 جىلدىڭ سايكەس كەزەڭىمەن سالىستىرعاندا 8،9 پايىزعا جوعارى.

– الماتى وبلىسىندا «جاسىل» ەلەكتر ەنەرگياسىن ءوندىرۋ ءۇشىن كوپتەگەن تابيعي مۇمكىندىك بار. كۇن مەن جەلدىڭ الەۋەتىنەن باسقا، «سامۇرىق-ەنەرگو» گيدروەنەرگەتيكانى دامىتۋعا ەرەكشە كوڭىل بولەدى. بۇعان مويناق گەس-ءىن سالۋ جانە شاردارا گەس-ءىن جاڭعىرتۋ جونىندەگى اياقتالعان جوبالار دالەل بولا الادى. كومپانيانىڭ پورتفەلىندە جاڭا سۋ ەلەكتر ستانسالارىن سالۋ بويىنشا بىرقاتار جوبا بار. اتاپ ايتقاندا، ىلە وزەنىندە قاپشاعاي گەس-ءىنىڭ اپتا سايىنعى بىركەلكى ەمەس تاۋلىكتىك سۋ جىبەرۋلەرىن تەڭەستىرۋگە جانە ستانسانى قولدا بار بارلىق قۋاتتى پايدالانا وتىرىپ، ەڭ جوعارى جۇكتەمەلەردى جابۋ رەجىمىنە اۋىستىرۋعا مۇمكىندىك بەرەتىن قۋاتى 40 مۆت بولاتىن كەربۇلاق گەس كونتررەتتەگىشىن سالۋ قاراستىرىلعان. سونداي-اق كومپانيا الماتى وبلىسىنىڭ تاپشى ەنەرگيا جۇيەسىنە جەتكىزۋ ءۇشىن ەلەكتر ەنەرگياسىنىڭ كوزىن قۇرۋ ماقساتىندا شەلەك وزەنىندە گەس-29-دى سالۋ بويىنشا جوبالاۋ الدىن­داعى جۇمىستاردى جۇرگىزۋدە. ۇزاق مەرزىم­دى پەرس­پەكتيۆادا الماتى وبلىسىنداعى ال ەس گەس كاسكادىن قايتا قۇرۋ جانە جاڭعىرتۋ جونىندەگى جوبانى ىسكە اسىرۋ جوسپارلانىپ وتىر. جوبا قايتا قۇرىلاتىن گەس-1 جانە گەس-2-دە ەلەكتر ەنەرگياسىن ءوندىرۋدى ارتتىرۋ ارقىلى ۇلكەن الماتى وزەنىنىڭ گيدروتەحنيكالىق رەسۋرستارىن ءتيىمدى پايدالانۋعا مۇمكىندىك بەرەدى، – دەيدى س.تۇيتەباەۆ.

ەنەرگەتيكا مينيسترلىگىنىڭ دەرەگىنشە، قازاقستاندا 2022 جىلعى شىلدەدەگى جاعداي بويىنشا بارلىعى 142 جاڭعىرمالى ەنەرگيا كوزدەرىنىڭ نىسانى جۇمىس ىستەيدى. جىل باسىنان بەرى قازاقستاندا جالپى قۋاتى 322 مۆت بولاتىن 8 نىسان پايدالانۋعا بەرىلگەن. 2022 جىلدىڭ سوڭىنا دەيىن جالپى قۋاتى 153 مۆت بولاتىن 13 نىساندى ىسكە قوسۋ جوسپارلانۋدا.    

سوڭعى جاڭالىقتار

مۇز قۇرسانعان ەكىباستۇز

ايماقتار • بۇگىن، 21:12

ءۇمىت ساۋلەسى

ساياسات • بۇگىن، 21:11

ۇلت ساۋلىعى – ۇلى بايلىق

ساياسات • بۇگىن، 21:09

ءسابيدىڭ ءومىرىن ساقتاپ قالدى

ايماقتار • بۇگىن، 21:02

تۇرلەنگەن تەمەكىنىڭ ءبارى زيان

مەديتسينا • بۇگىن، 20:58

ساڭلاقتىڭ سوڭعى سامعاۋى

قازاقستان • بۇگىن، 20:50

كىتاپ كوكجيەگى كەڭەيىپ كەلەدى

رۋحانيات • بۇگىن، 20:41

«نەمىس ماشينەسى» جولدا قالدى

فۋتبول • بۇگىن، 20:36

ستۋدەنتتىك تەاتر فەستيۆالى

تەاتر • بۇگىن، 20:34

«كۇمبىرلە كۇيىم، ەلىمدە!»

ايماقتار • بۇگىن، 20:28

ۇقساس جاڭالىقتار