ءوزىمىز كۋا بولعانداي, پاندەميا كەزىندە جاڭا شيەلەنىستەر پايدا بولدى جانە وقشاۋلانۋ كەزىندە ديالوگ كەڭىستىگى ازايعانىن ءتۇسىنىپ, مويىنداۋىمىز كەرەك. سوندىقتان پاندەميادان كەيىنگى كەزەڭدە الەم مەن ادامزاتتىڭ ساياسي-الەۋمەتتىك دامۋىنداعى دىندەردىڭ, ءدىني كوشباسشىلاردىڭ ماڭىزدىلىعىن نازارعا الىپ, بىرلەسە جۇمىس ىستەيتىن ۋاقىت جەتتى. ءبىز جاڭا كۇن ءتارتىبىن قۇرۋعا ءتيىسپىز.
قازاقستان – ورتالىق ازياداعى جانە ودان تىس جەرلەردەگى توزىمدىلىكتىڭ, بەيبىتشىلىك پەن كەلىسىمنىڭ ۇلگىسى. قازاقستان حالقى كوپۇلتتى جانە كوپكونفەسسيالى ەل قۇرۋ ءۇشىن وتە ماڭىزدى ءرول اتقارادى. قازىرگى ۋاقىتتا ءبىز الۋانتۇرلىلىكتى بىرلىككە جەتۋدىڭ قۇرالى رەتىندە قاراستىرامىز. ءدىني جانە, اسىرەسە الەۋمەتتىك بىرلىككە قول جەتكىزۋ ءۇشىن مەملەكەت پەن ۇكىمەت كوپتەگەن باعىت بويىنشا بارىنشا باتىل شارالار قابىلداۋعا ءتيىس.
قايرات ءابدىراحمانوۆ,
ەقىۇ از ۇلتتار ىستەرى جونىندەگى جوعارعى كوميسسارى
