2017 جىلى سانكت-پەتەربۋرگتە 137-ءشى اسسامبلەيا وتىرىسىن وتكىزدىك. سول كەزدە دىنارالىق جانە ەتنوسارالىق ديالوگ قۇرۋ, مادەني ءپليۋراليزمدى ىلگەرىلەتۋ تاقىرىبىندا قۇرىلعان قورىتىندى قۇجاتتا پارلامەنت مۇشەلەرى مالىمدەمە جاسادى. بۇل قۇجاتتا كونۆەنتسيا, مادەنيەت جانە ەتنوسارالىق توپتارمەن ديالوگ قۇرۋ قوعامدى بەيبىتشىلىكپەن پەن مادەني پليۋراليزممەن دامىتۋدا قاجەتتى العىشارتتارى بولىپ تابىلاتىنى ايتىلعان.
ءبىز الەۋمەتتىك, ساياسي-ەكونوميكالىق جانە ەكولوگيالىق, يدەولوگيالىق سالاداعى داعدارىستارمەن كۇرەسۋ ءۇشىن دە جۇمىس ىستەيمىز. سونداي-اق ءدىني كەمسىتۋشىلىكپەن, راسيزممەن جانە كسەنوفوبيامەن كۇرەستى ودان ءارى كۇشەيتە وتىرىپ, ءدىني بوستاندىقتى شەكتەۋگە قارسى تۇرامىز. سونىمەن بىرگە ادىلەتتى قوعام قۇرۋداعى نەگىزگى شارتىمىز اشىقتىق بولىپ سانالادى. بۇل قاي كەزدە دە وتە وزەكتى شارتتاردىڭ ءبىرى بولىپ كەلدى. ماسەلەن, ءبىراز ادام ءدىني ليدەرلەردىڭ سوزدەرىن نە ءۇشىن وزدەرىنە ماڭىزدى شارت دەپ قابىلدايدى؟ سەبەبى ولار بۇل جەردە رۋحاني ءرولدى اتقارىپ وتىر. ال ءبىز نورماتيۆتىك تۇرعىدان اكتىلەرمەن قامتاماسىز ەتەمىز. وعان ار-وجدان, ءدىن, ءدىني نانىم-سەنىم بوستاندىعىن قامتاماسىز ەتۋ كىرەدى.
قازىر حالىقارالىق پارلامەنتارالىق وداق رۋحاني, ءدىني دامۋدىڭ ماڭىزى تۋرالى اۋقىمدى بايانداما ازىرلەپ جاتىر. سونىمەن بىرگە بەيبىتشىلىك ءۇشىن زورلىق-زومبىلىقتىڭ بارلىق تۇرىمەن كۇرەسۋ دە – ءبىزدىڭ العا قويعان ماقساتىمىزدىڭ ءبىرى. بۇگىندە ءدىني وقۋ اعارتۋ ءىسى دە ماڭىزدى. ەگەر قوعامنىڭ بارلىق جىكتەرى وسىنى جان-جاقتى ۇعىنسا, ونىڭ ىشىندە ءدىننىڭ ماڭىزىن تۇسىنەتىن بولسا ول ءبىزدىڭ ۇلكەن جەڭىسىمىز بولماق. ويتكەنى بىرلىك بولعان جەردە تىرلىك تە بار.
دۋارتە پاشەكۋ,
پارلامەنتارالىق وداقتىڭ پرەزيدەنتى
