وسى رەتتە بۇل سەزدىڭ قىزمەتى ءدىني نەگىزدە تۋىنداعان وتكىر ماسەلەلەردى بىرلەسە تالقىلاۋعا جانە شەشۋگە, ءتۇرلى حالىقتاردىڭ دىندەرى مەن مادەنيەتتەرىنىڭ ديالوگىنە, ءدىني تولەرانتتىق رۋحىن نىعايتۋعا جانە تاجىريبە الماسۋعا, بەيبىت دىندەردىڭ وڭ ءيميدجىن قالىپتاستىرۋعا مۇمكىندىكتەر بەرەدى.
تاتۋلىعى جاراسقان, اۋىزبىرلىگى مەن دوستاستىعى ۇيلەسىم تاپقان ەل ءبىر ارناعا ءتۇيىسىپ, تىلەك-ارماندارى ورىندالىپ, باقىتتى قوعام بولىپ بەيعام ءومىر كەشەتىنى ەجەلدەن بەلگىلى. سەزدەگى ۇسىنىس-پىكىرلەر, ورتاق شەشىمدەر الاۋىزدىققا ەمەس بارلىق الەم حالقىن بىرلىككە, ىنتىماققا, تىنىشتىققا شاقىرادى. ءدىنى قۋاتتى ەلدىڭ ىرگەسى مىعىم. جاھاندانۋ زامانىندا حالىقتاردىڭ تاتۋ-ءتاتتى ىنتىماق-بىرلىكتە عۇمىر كەشۋدىڭ باستى جولى – ءوزارا قۇرمەت پەن سىيلاستىق. ال ءوزارا سۇيىسپەنشىلىكتە بولۋدىڭ جولى باياندى قارىم-قاتىناستا جاتىر. سەزد الاڭىندا نانىم-سەنىمى ءارتۇرلى ءدىن وكىلدەرى بەيبىتشىلىكتى ءوز دۇنيەتانىمىمەن قابىلداي وتىرىپ, بىرلىكتىڭ جارقىن ۇلگىسىن جالعاۋعا اتسالىستى.
گەوساياسي جانە گەوەكونوميكالىق فاكتورلار مەن جاھاندىق قاۋىپسىزدىك جۇيەسىنىڭ بۇزىلۋى سالدارىنان حالىقارالىق شيەلەنىس ۋشىققانى بەلگىلى. رۋحاني كوشباسشىلاردىڭ باستى مىندەتى – قۇندىلىقتاردىڭ دۇرىس جۇيەسىن قالىپتاستىرۋ جانە ادامداردى بەيبىتشىلىك, ادامگەرشىلىك, قوعامدىق كەلىسىم سياقتى يدەيالار اياسىنا توپتاستىرۋ. الەمدىك جانە ءداستۇرلى دىندەر ليدەرلەرى سەزىنىڭ نەگىزگى ماقساتى دا وسى.
دەۆيد لاۋ,
ءيزرايلدىڭ باس اشكەنازي ءراۆۆينى
