ريم پاپاسى الەمدىك جانە ءداستۇرلى دىندەر كوشباسشىلارىنىڭ VII سەزىندە سويلەگەن سوزىندە بارشا قازاقستاندىقتارعا سالەمىن جولداپ, ىزگى تىلەگىن ءبىلدىردى.
ء«بىز كوپتەگەن عاسىرلار بويى ۇلكەن كەرۋەندەر وتكەن جەرلەردە ءومىر ءسۇرىپ كەلەمىز. بۇل جەرلەردە جىبەك جولىنىڭ ارقاسىندا كوپتەگەن اڭگىمەلەر, يدەيالار مەن سەنىمدەر ءبىر-بىرىمەن بايلانىستى بولدى. قازاقستان - ءبىر-بىرىنەن الىستا جۇرگەندەردىڭ كەزدەسۋىنە سەپتىگىن تيگىزگەن جەرگە اينالدى. وسىنىڭ ارقاسىندا كەزدەسۋلەر ءۇشىن جاڭا جول اشىلدى. ونىڭ نەگىزىندە ادامي قارىم-قاتىناس, قۇرمەت پەن ادالدىق جاتىر», دەدى ريم پاپاسى.
ەسكە سالا كەتەيىك, ەلورداداعى تاۋەلسىزدىك سارايىندا قر پرەزيدەنتى قاسىم-جومارت توقاەۆتىڭ قاتىسۋىمەن الەمدىك جانە ءداستۇرلى دىندەر كوشباسشىلارىنىڭ VII سەزى ءوتىپ جاتىر.
