« ۇلىبريتانيا تاراپىنان سۇرانىستىڭ كۇرت ارتۋى بايقالادى. ادەتتە وسى كەزەڭدە ءبىز بريتان نارىعىنا اپتا سايىن 600-700 مىڭ گۇل جىبەرەمىز, بىراق ەليزاۆەتا پاتشايىمدى جەر قويىنىنا تابىستاۋ كەزەڭىندە بۇل كورسەتكىش 1,5 ميلليونعا جەتەدى دەپ ەسەپتەپ وتىرمىز», دەدى انادولى ساندىك وسىمدىكتەر مەن ونىمدەردى ەكسپورتتاۋشىلار قاۋىمداستىعىنىڭ باسشىسى يسمايل يىلماز.
ول ءبىرىنشى كەزەكتە قالامپىرعا سۇرانىس ارتقانىن ءتۇسىندىردى. ءتىپتى گۇل جەتكىزۋدى تەزدەتۋ ءۇشىن ءداستۇرلى جۇك كولىكتەرىنىڭ ورنىنا ۇلىبريتانياعا اۋە ارقىلى تاسىمالدانا باستاعان.
«ەگەر ءبىرىنشى جاعدايدا جەتكىزۋ 7-8 كۇنگە سوزىلسا, ۇشاق ارقىلى جىبەرىلگەن گۇلدەر كەلەسى كۇنى-اق تاپسىرىس بەرۋشىگە جەتەدى», دەدى انتاليا تاۋار بيرجاسى اسسامبلەياسىنىڭ مۇشەسى سەلچۋك چەلەبي.
ەسكە سالساق, 8 قىركۇيەكتە ۇلىبريتانيا پاتشايىمى II ەليزاۆەتا 97 جاسقا قاراعان شاعىندا قايتىس بولدى. ونى جەرلەۋ 19 قىركۇيەككە جوسپارلانعان.
