قاسىم-جومارت توقاەۆپەن كەزدەسۋ بارىسىندا كاترينا كلااس-ميۋلحويزەر قازاقستاندا اۋىل شارۋاشىلىعى تەحنيكاسى ءوندىرىسىن كەڭەيتۋ جونىندەگى جوسپارلارى تۋرالى ايتتى. «CLAAS Group» كومپانياسى بىلتىر پەتروپاۆلدا كومباينداردى, تراكتورلاردى, ەگىس كەشەندەرىن جانە استىق جيناۋ ماشينالارىن قۇراستىراتىن زاۋىتتى ىسكە قوستى. بۇگىنگە دەيىن ونىمدىلىگى جوعارى كومباينداردى قوسقاندا 400-دەن اسا تەحنيكا قۇراستىرىلدى.
سونداي-اق پرەزيدەنتكە اۋىل شارۋاشىلىعى تەحنيكاسى مەن ونىڭ قۇرامداس بولىكتەرى ءوندىرىسىن وقشاۋلاۋ شارالارى تۋرالى باياندالدى.
مەملەكەت باسشىسى ەلىمىزدىڭ اگروونەركاسىپ كەشەنىنىڭ ايتارلىقتاي الەۋەتىن اتاپ ءوتىپ, اۋىل شارۋاشىلىعى تەحنيكاسى پاركىن جاڭارتۋ مەن جەرگىلىكتى قامتۋدى ارتتىرۋدىڭ ماڭىزدى ەكەنىن ايتتى.
كەزدەسۋدە ىنتىماقتاستىقتىڭ دامۋىنا وڭ باعا بەرىلدى.
