«بۇعان دەيىن پرەزيدەنت قاسىم-جومارت كەمەل ۇلى توقاەۆ مۇعالىمدەردى قىزمەتىنە ءتان ەمەس فۋنكتسيالاردان بوساتۋ مىندەتىن قويعان بولاتىن. مەملەكەت باسشىسى قول قويعان «پەداگوگ مارتەبەسى تۋرالى» زاڭ وسى باعىتتا قاجەتتى نورمالاردى بەكىتىپ, اۋقىمدى جۇمىستاردى جۇرگىزۋگە مۇمكىندىك بەردى. وسى جۇمىستىڭ شەڭبەرىندە بالاباقشا تاربيەشىلەرى تولتىرۋعا مىندەتتى قۇجاتتاردىڭ سانىن ازايتاتىن بۇيرىققا قول قويدىم», دەپ جازدى مينيستر.
ونىڭ ايتۋىنشا, 2020 جىلى ورتا, تەحنيكالىق جانە كاسىپتىك ءبىلىم بەرۋ دەڭگەيىنە دە وسىنداي ءتىزىم بەكىتىلگەن. سول بۇيرىق ارقىلى مەكتەپ پەن كوللەدج مۇعالىمدەرىنىڭ ەسەپ تاپسىرۋى قاتاڭ شەكتەلگەن. مىسالى, مەكتەپ مۇعالىمى كۇن سايىن ەكى قۇجات عانا تولتىرۋى كەرەك: مەكتەپ جۋرنالىنا (ەلەكتروندى) باعا قويۋ جانە ساباق جوسپارى.
«الايدا, مەكتەپكە دەيىنگى ءبىلىم بەرۋ دەڭگەيىندە مۇنداي ءتىزىم رەتتەلمەگەندىكتەن كوپتەگەن قۇجات پروبلەماسى بولدى. ولاردىڭ ءتىزىمى بالاباقشا باسشىلىعىنىڭ كوزقاراسى مەن ماڭىزدىلىعىن تۇسىنۋگە قاتىستى بولدى», دەپ جازدى اسحات ايماعامبەتوۆ فەيسبۋكتەگى پاراقشاسىندا.
ەندى قول قويىلعان بۇيرىققا سايكەس تاربيەشى تەك مىناداي قۇجاتتاردى عانا تولتىرادى:
1) وقۋ جىلىنا ارنالعان پەرسپەكتيۆالىق جوسپار (جىلىنا ءبىر رەت تولتىرىلادى);
2) تاربيە-وقۋ پروتسەسىنىڭ تسيكلوگرامماسى ء(بىر اپتاعا تولتىرىلادى);
3) دياگنوستيكانىڭ (باستاپقى, ارالىق, قورىتىندى ولشەۋلەردىڭ) ناتيجەلەرى بويىنشا وقۋ جىلىنا ارنالعان بالانىڭ جەكە دامۋ كارتاسى, ول قاجەتتىلىگىنە قاراي تولتىرىلىپ, جۇرگىزىلەدى.
ەندى مەكتەپكە دەيىنگى ءبىلىم بەرۋ دەڭگەيى بويىنشا مينيسترلىك ايقىنداعان ناقتى تىزبە بار. سونداي-اق «پەداگوگ مارتەبەسى تۋرالى» زاڭدا جانە اكىمشىلىك كودەكستە جازىلعان باسقا دا قۇجاتتاردى تالاپ ەتۋگە جاۋاپكەرشىلىك قاراستىرىلعان جانە ايىپپۇل تۇرىندە اكىمشىلىك جاۋاپكەرشىلىككە تارتاتىن ورگاندار دا بار.
وسى رەتتە وقۋ-اعارتۋ ءمينيسترى جاۋاپكەرشىلىككە تارتۋ كىمنىڭ قۇزىرىندا بولاتىنىن ءتۇسىندىرىپ بەردى.
پەداگوگتەردەن شەكتەن تىس ەسەپتى نەمەسە قىزمەتتىك مىندەتتەرىنە جاتپايتىن اقپاراتتى تالاپ ەتۋ فاكتىلەرى بويىنشا ءوتىنىش تۇسكەن كەزدە وقۋ-اعارتۋ مينيسترلىگى ءبىلىم سالاسىنداعى ساپانى قامتاماسىز ەتۋ كوميتەتىنىڭ اۋماقتىق دەپارتامەنتتەرى قۇقىق بۇزعانى ءۇشىن جوسپاردان تىس تەكسەرۋدى قسجاەك ورگاندارىندا تىركەيدى جانە ونى ءبىلىم بەرۋ ۇيىمىنا بارىپ نەمەسە بارماي-اق جۇرگىزەدى.
قۇقىق بۇزۋ فاكتىسىن دالەلدەيتىن ماتەريالدار:
- جازباشا تاپسىرمالار نەمەسە ولاردىڭ كوشىرمەلەرى, بۇيرىقتاردىڭ كوشىرمەلەرى, ەسەپ بەرۋ بلانكىلەرىنىڭ كوشىرمەلەرى جانە پەداگوگتەن ەسەپ بەرۋدى نەمەسە قر ءبىلىم بەرۋ سالاسىنداعى زاڭناماسىندا كوزدەلمەگەن مالىمەتتەردى تالاپ ەتۋدى راستايتىن باسقا دا ماتەريالدار.
«ەگەر قۇقىق بۇزۋشىلىققا العاش رەت جول بەرگەن ادام ءوز كىناسىن مويىنداسا, كوميتەت جانە اۋماقتىق ورگان اكىمشىلىك قۇقىق بۇزۋشىلىق تۋرالى حاتتاما تولتىرماي, كىنالى ادامعا ەسكەرتۋ تۋرالى قاۋلى شىعارادى. ال ادام قايتادان قۇقىق بۇزسا, وعان قاتىستى اكىمشىلىك قۇقىق بۇزۋشىلىق تۋرالى حاتتاما تولتىرىلادى.
اكىمشىلىك ايىپپۇل 20 اەك-تەن 120 اەك-كە دەيىن. مەكتەپ پەن بالاباقشا پەداگوگتەرىنە قولايلى جاعداي جاساۋعا باعىتتالعان تالاپتار ساقتالۋعا ءتيىس. ارىپتەستەرىمنەن دەر كەزىندە ءتيىستى شارا قابىلداۋ ءۇشىن وسىنداي فاكتىلەر بولعان جاعدايدا ول تۋرالى حابارلاۋىن سۇرايمىن», دەپ جازدى ا. ايماعامبەتوۆ.
سونىمەن قاتار مينيستر بۇعان دەيىن جاۋاپتى تۇلعالار زاڭ بۇزعانى, ارتىق ەسەپتى جانە باسقا دا قۇجاتتاردى تالاپ ەتكەنى ءۇشىن جاۋاپقا تارتىلعانىن ەسكە سالدى.
ء«بىلىم بەرۋ ۇيىمدارىنىڭ باسشىلارىنان تاعى دا زاڭدى قاتاڭ ساقتاۋدى جانە ارتىق ەسەپتى تالاپ ەتۋگە جول بەرمەۋدى سۇرايمىن», دەلىنگەن جازبادا.
