«بۇل اتاۋلى كۇننىڭ شىعۋ تاريحى بارشاعا بەلگىلى دەپ ويلايمىن. جۋرناليستيكا قاي زاماننان قاۋىپتى ماماندىقتىڭ ءبىرى. جۋرناليستەر ءاردايىم وقيعالاردىڭ ورتاسىندا, ءتۇرلى جاعدايلاردىڭ الدىڭعى شەبىندە جۇرەدى. جۇرتشىلىققا جەدەل جاڭالىق جەتكىزۋ ءۇشىن جارعاق قۇلاعى جاستىققا تيمەي جۇمىس ىستەيتىن ارىپتەستەرىمىزدىڭ كەيدە ومىرىنە قاتەر تونەتىن ساتتەر دە كەزدەسەدى.
جالپى ءبىزدىڭ ەلىمىزدە مەديا وكىلدەرى ءوزارا ىنتىماقپەن جۇمىس ىستەيدى, ءبىر-ءبىرىن قولداپ جۇرەدى. بۇل – جاقسى ءۇردىس. تيىسىنشە مەملەكەت جۋرناليستەردىڭ زاڭدى كاسىبي قىزمەتىن قورعايدى ءارى ارىپتەستەردىڭ كەدەرگىسىز جۇمىس ىستەۋى ءۇشىن قۇقىقتىق كەپىل بولۋ جاعىن قاراستىرادى.
ماسەلەن, قازاقستاندا جۋرناليسكە قوعامدىق ماڭىزدى ماقساتتار ءۇشىن ءىس اتقاراتىن ادام رەتىندە, كاسىبي قىزمەتىن جۇزەگە اسىرۋىنا بايلانىستى ونىڭ ار-نامىسىن, قادىر-قاسيەتىن, ءومىرىن, دەنساۋلىعىن جانە مۇلكىن قورعاۋعا كەپىلدىك بەرىلەدى», دەپ جازدى د.قىدىرالى.
وسى ورايدا ول مينيسترلىك باسەكەگە قابىلەتتى بۇقارالىق اقپارات قۇرالدارىن دامىتۋ, جۋرناليستەردىڭ قۇقىعىن قورعاۋ باعىتىندا ءبىراز جۇمىس اتقارىپ كەلە جاتقانىن ايتتى.
«بۇگىن ء«ادىل ءسوز» جانە گەننادي بەنديتسكي قورى «جۋرناليستەر تاۋەلسىزدىك جانە قاۋىپسىزدىك ءۇشىن» اتتى دوڭگەلەك ۇستەل وتكىزىپ جاتىر. ءبىزدىڭ مينيسترلىك ءىس-شارانى بىرگە ۇيىمداستىردى. مەملەكەت مۇددەسى جولىندا قىزمەت ەتە بەرەيىك, ارىپتەستەر!», دەپ جازدى مينيستر.
