«اقپارات جانە قوعامدىق دامۋ مينيسترلىگى جۋرناليست ارداق ەرۋباەۆاعا قاتىستى وقيعا بارىسىن ءوز قۇزىرەتى شەگىندە مۇقيات قاداعالاپ وتىر.
مينيسترلىك بۇل جاعدايدىڭ زاڭ اياسىندا شەشىلەتىنىنە سەنىمدى.
ەستەرىڭىزگە سالا كەتەيىك, اتا زاڭنىڭ 20-بابى ءسوز بوستاندىعىنا كەپىلدىك بەرەدى. اركىمنىڭ زاڭ جۇزىندە تىيىم سالىنباعان كەز كەلگەن تاسىلمەن ەركىن اقپارات الۋعا جانە تاراتۋعا قۇقىعى بار. ءجۋرناليستىڭ زاڭدى كاسىبي قىزمەتىنە كەدەرگى جاساۋعا جول بەرىلمەيدى.
سونىمەن قاتار ارىپتەستەرىمىزدىڭ دە جاۋاپكەرشىلىك جۇگىن سەزىنىپ, زاڭ تالاپتارىن ساقتاعانى ءجون دەپ ەسەپتەيمىز», دەپ جازدى دارحان قىدىرالى.
ايتا كەتەيىك, 31 تامىز كۇنى اقتوبە وبلىسىنا بارعان ءاليحان سمايىلوۆتى فوتوعا تۇسىرمەك بولعان ارداق ەرۋباەۆانى پوليتسيا ۇستاپ اكەتكەن. ءتارتىپ ساقشىلار ءتۇسىندىرۋ جۇمىستارىنان سوڭ ونى بوساتقان. دەگەنمەن ول «قالتاسىندا قۇجاتى بولمادى», «كورتەجگە قاراي جۇگىردى» دەگەن ايىپتاۋلارمەن كەلىسپەيتىنىن ايتىپ وتىر.
