كەزدەسۋدە دارحان قۋاندىق ۇلى حالىققا ءدىن مەن ءداستۇر ساباقتاستىعىن دارىپتەۋ, يمامداردىڭ ءبىلىمىن جەتىلدىرۋ, جاستاردى دەسترۋكتيۆتى ءدىني اعىمداردىڭ يدەولوگياسىنان ساقتاندىرۋ, جاستار اراسىندا مادەني قۇندىلىقتاردى ناسيحاتتاۋ, قازاقتىڭ تاريحي تۇلعالارى مەن ولاردىڭ ونەگەلى ءومىرىن وسكەلەڭ ۇرپاققا ۇلگى ەتۋ سىندى ماسەلەلەرگە نازار اۋداردى.
ناۋرىزباي قاجى تاعان ۇلى ءدىني باسقارمانىڭ ەل يگىلىگى جولىندا اتقارىپ جاتقان جۇمىستارى مەن ءدىني اعارتۋ, ۋاعىز-ناسيحات, قوعامعا ۇلتتىق قۇندىلىقتاردى كەڭىنەن دارىپتەۋ باعىتى بويىنشا قولعا العان جوسپارى مەن جوبالارى جايلى باياندادى. سونىمەن قاتار ءمينيستردى الدا وتەتىن رەسپۋبليكالىق يمامدار فورۋمى تۋرالى حاباردار ەتتى.
باسقوسۋ سوڭىندا تاراپتار ەل يگىلىگى مەن بولاشاعى جولىندا ورتاق جوبالاردى جۇزەگە اسىرۋعا ۋاعدالاستى.
