«قازاقستان رەسپۋبليكاسىنداعى مەرەكەلەر تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ جوسپارلانۋدا. 25 قازان ۇلتتىق مەرەكە – رەسپۋبليكا كۇنى دەپ بەلگىلەنەدى. ال 16 جەلتوقسان مەملەكەتتىك مەرەكە – تاۋەلسىزدىك كۇنى بولىپ بەكىتىلەدى.
ەسكە سالا كەتەيىك, ۇلتتىق قۇرىلتايدىڭ ءبىرىنشى وتىرىسىندا پرەزيدەنت قاسىم-جومارت توقاەۆ رەسپۋبليكا كۇنىنە ۇلتتىق مەرەكە مارتەبەسىن قايتارۋدى ۇسىندى.
«رەسپۋبليكا كۇنى ەلىمىزدىڭ مەملەكەتكە دەگەن باتىل قادامىنىڭ نىشانى بولۋى ءتيىس. ارينە, تاۋەلسىزدىك كۇنى باستى ۇلتتىق مەرەكە بولىپ قالا بەرەدى. بۇل كۇنى تاۋەلسىزدىككە قول جەتكىزۋگە زور ۇلەس قوسقان ۇلتتىق قاھارماندارىمىز قۇرمەتتەلۋى كەرەك», دەدى مەملەكەت باسشىسى.
بۇعان دەيىن قازاقستاندا رەسپۋبليكا كۇنى 25 قازاندا – 1990 جىلى قازاق كسر-ءنىڭ مەملەكەتتىك ەگەمەندىگى تۋرالى دەكلاراتسيا قابىلدانعان كۇنى تويلاناتىن, سونداي-اق دەمالىس كۇنى بولىپ بەكىتىلەتىن. 2009 جىلدان باستاپ رەسپۋبليكا كۇنى مەملەكەتتىك مەرەكە رەتىندە اتالماي كەلدى.
