وسى ماقساتتا تەكسەرىلگەن 7 500 اۆتوكولىكتىڭ 1 200-دەن استامىندا زاڭ بۇزىلعانى انىقتالدى, بۇل 16%-دان اسادى.
بۇل جوبا قالانىڭ قورشاعان ورتانى قورعاۋ جانە تابيعاتتى پايدالانۋ باسقارماسىمەن, نۇر-سۇلتان پوليتسيا دەپارتامەنتىمەن جانە اككرەديتتەلگەن «ەكوسەرۆيس-س» جشس سىناق زەرتحاناسىمەن بىرلەسىپ ۇشجاقتى مەموراندۋمعا سايكەس جۇزەگە اسىرىلادى.
بەنزين مەن گازداعى اۆتوموبيلدەر ءۇشىن قالىپقا كەلتىرىلگەن كومپونەنتتەر – سو (كومىرتەگى توتىعى), ديزەلدەر ءۇشىن – ءتۇتىن كولەمى (جارىق اعىنىنىڭ ءسىڭىرۋ كوەففيتسيەنتى) ەسەپتەلەدى. بۇل كومپونەنتتەردىڭ قۇرامى قولدانىستاعى ستاندارتتاردا بەلگىلەنگەن ماندەردەن اسپاۋى كەرەك:
- «دوڭگەلەكتى كولىك قۇرالدارىنىڭ قاۋىپسىزدىگى تۋرالى» كو تر 018/2011 كەدەن وداعىنىڭ تەحنيكالىق رەگلامەنتى;
- قر ست 1433-2017 «جول كولىگى. اتموسفەرالىق اۋاعا اۆتوكولىك قۇرالدارىنىڭ پايدالانىلعان گازدارى بار لاستاۋشى زاتتاردىڭ شىعارىندىلارى. انىقتاۋ نورمالارى مەن ادىستەرى».
ۋىتتىلىق نورمالارىنىڭ اسىپ كەتۋى اكىمشىلىك قۇقىق بۇزۋشىلىق بولىپ سانالادى. بۇل ەسكەرتۋ جاساۋعا نەمەسە جەكە تۇلعالارعا – 10, زاڭدى تۇلعالارعا – 100 ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعادى, ال اكىمشىلىك جازا قولدانىلعاننان كەيىن ءبىر جىل ىشىندە قايتالاپ جاسالعان جاعدايدا جەكە تۇلعالارعا – 20, زاڭدى تۇلعالارعا – 200 ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعادى.
