«قوستاناي وبلىسىندا بولىپ جاتقان تابيعي اپات بارشامىزدى الاڭداتىپ وتىر. جاعداي مەملەكەت باسشىسىنىڭ جەكە باقىلاۋىندا.
ەرتەڭ پارتيا مۇشەلەرى مەن «جاستار رۋحى» قاتارىنان ۆولونتەرلەر جاساقتالىپ, اپاتتان زارداپ شەككەن تۇرعىندارعا بارىنشا كومەك كورسەتەتىن بولادى. بۇدان بولەك تاڭەرتەڭنەن باستاپ AMANAT پارتياسىنىڭ وڭىرلەردەگى فيليالدارىندا گۋمانيتارلىق كومەك قابىلداۋ پۋنكتتەرى اشىلادى.
جاعدايدىڭ تەزىرەك تۇراقتالۋىن تىلەيمىز. ءبىز قوستانايلىقتارمەن بىرگەمىز جانە بۇل سىناقتان بىرگە وتەمىز!», دەپ مالىمدەدى ءماجىلىس توراعاسى.
