«قازىرگى تاڭدا بىزگە 2 836 بىرلىك تەحنيكا قاجەت. ال قولىمىزدا بار-جوعى 1 117 بىرلىك تەحنيكا بار. ونىڭ 527-ءسىنىڭ توزىعى جەتكەن. جوندەۋگە دە كەلمەيدى», دەپ اتاپ ءوتتى س.عيلىموۆ. سونداي-اق ول ەڭبەكاقى مولشەرى 30 پايىزعا ارتقانىمەن بىلىكتى ماماندارعا دەگەن تاپشىلىق سەزىلىپ وتىرعانىن جەتكىزدى.
«مينيسترلىك تاراپىنان قولداۋدىڭ ناتيجەسىندە مەكەمە جۇمىسشىلارىنىڭ جالاقىسى كوتەرىلدى. بۇگىندە قىزمەتكەرلەر جەتىسپەۋشىلىگى بىرتىندەپ ازايىپ كەلەدى. دەسە دە جوعارى بىلىكتى ماماندارعا دەگەن زارۋلىك تۋىنداۋى مۇمكىن ەكەنىن جوققا شىعارمايمىز», دەدى «قازاقاۆتوجول» باسشىسى.
سونىمەن قاتار باسقوسۋدا اۆتوكولىك جولدارىنىڭ ساپاسىنا دا نازار اۋدارىلدى. ماسەلەن, جۇك تاسىمالىمەن اينالىساتىن كيريلل گادەتسكي ەسىمدى ازامات قىزىلوردا جانە اقتوبە وبلىستارى شەكتەسەتىن ايماقتاعى جولدىڭ ساپاسى سىن كوتەرمەيتىنىن العا تارتتى.
«جول جوندەۋ جۇمىستارى جۇرگىزىلەدى-اق. الايدا اي وتپەي جول توسەنىشتەرى ويىلىپ, تەرەڭدىگى 40 سانتيمەترگە جۋىقتايتىن وي-شۇڭقىرلار پايدا بولادى. بۇل – جول-كولىك قوزعالىسىنا ايتارلىقتاي كەدەرگى كەلتىرەدى», دەيدى كاسىپكەر.
ءوز كەزەگىندە اۆتوموبيل جولدارى كوميتەتىنىڭ توراعاسى «قىزىلوردا – ارال – اقتوبە» باعىتىنداعى جول تورابىنىڭ توزعاندىعىن راستادى.
«اتالعان اۋماقتاعى كولىك اعىنى وتە كوپ. ال ونداعى جول مۇنداي كولەمگە شاقتالماعان. قازىر كولىك اعىنىنىڭ كولەمىن ەسەپكە الا وتىرىپ, الداعى ۋاقىتتا بۇل جول اۋماعىنا ءبىرىنشى سانات بويىنشا قايتا جوندەۋ جۇمىستارى جۇرگىزىلمەك. وعان دەيىن قىسقا مەرزىمدى جوندەۋ جۇمىستارى ىسكە اساتىن بولادى», دەيدى اۆتوموبيل جولدارى كوميتەتىنىڭ توراعاسى تولەگەن ابدۋللين.
ستەپنوگور قالاسىنىڭ تۇرعىنى, بلوگەر ارتەم سوچنەۆ جول جوندەۋ جۇمىستارى بارىسىنداعى بىرقاتار ماسەلەنى العا تارتتى.
«قازىر بەستوبە اۋىلىنىڭ ماڭايىندا اسفالت توسەنىشتەرىن توسەۋ جۇمىستارى جۇرگىزىلۋدە. وعان قاجەتتى ماتەريالدى مەردىگەر كومپانيا 300 شاقىرىم جەردەن تاسىمالدايدى. جۇك تيەگەن كولىكتەردىڭ شامادان تىس اۋىر سالماعىنان بەتى تەگىس جولداردا وي-شۇڭقىرلار پايدا بولۋدا. ءبىر جول جوندەلسە, ەندى ءبىرى ب ۇلىنۋدە», دەدى ا.سوچنەۆ.
قازاقستاندا جىل سايىن مىڭداعان شاقىرىم جولدىڭ جوندەلىپ, ءتىپتى قايتا سالىناتىنى بەلگىلى. جاز شىقسا ءبىتتى, قالا ىشىندەگى جولدار دا قوپارىلىپ جاتادى. ارينە, بۇل شارۋانىڭ ءبارى ميللياردتاعان تەڭگەسىز بىتپەيدى. «ادىلدىك جولى» قوعامدىق بىرلەستىگىنىڭ اتقارۋشى ديرەكتورى ديدار سماعۇلوۆتىڭ ايتۋىنشا, جىل سايىن جول جوندەۋ جۇمىستارىنا 500-600 ملرد تەڭگە بولىنەدى. وسىنشاما مول اقشانىڭ سۇراۋى بولۋعا ءتيىس.
ايتپاقشى, جول ماسەلەسىنە جاۋاپتى «قازاۆتوجول» مەن «كازاحاۆتودور» بىرىگىپ, ءبىرتۇتاس اۆتوجول كومپانياسىنا اينالدى. بۇل تۋرالى شىلدەدە ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ تاپسىرما بەرگەن بولاتىن. مينيسترلىك اتالعان ەكى جول وپەراتورىن بىرىكتىرۋ بويىنشا ۇكىمەت قاۋلىسىنىڭ جوباسىن دايىندادى. جوبادا «قازاۆتوجول» ۇلتتىق كومپانياسى «كازاحاۆتودور» جشس-داعى مەملەكەتتىك ۇلەستى ساتىپ الۋ جولىمەن ۇلتتىق كومپانيانى بىرىڭعاي اۆتوجول وپەراتورى رەتىندە قايتا قۇرۋ قاراستىرىلدى.
«قازىر ەلىمىزدەگى جولدىڭ جاي-كۇيىن قاداعالاپ, قىزمەت كورسەتەتىن ەكى نەگىزگى وپەراتور بار. تۋراسىن ايتساق, ەكەۋى دە ءبىر جۇمىستى اتقارىپ وتىر, جۇمىسشىلارىنىڭ سانى دا قاجەتتى شامادان ارتىق. سوعان قاراماستان, ازاماتتاردان كەلىپ جاتقان ورىندى ارىز-شاعىمدار ازايار ەمەس, ال جولدىڭ ساپاسى مۇلدە سىن كوتەرمەيدى», دەگەن ەدى مەملەكەت باسشىسى ۇكىمەتتىڭ كەڭەيتىلگەن وتىرىسىندا.
قوس كومپانيانىڭ بىرىگۋى رەسپۋبليكالىق ماڭىزى بار جولداردى تاۋلىك بويى كۇتىپ ۇستاۋدى قامتاماسىز ەتۋدە جەدەل ءارى ناقتى شەشىم قابىلداۋعا ۇلكەن سەپتىگىن تيگىزبەك.
