«ۇستازداردى, وقۋشىلاردى, اتا-انالاردى وقۋ جىلىنىڭ باستالۋىمەن قۇتتىقتايمىن! ەلوردادا بيىل 1-سىنىپقا 26 مىڭنان اسا بالا بارادى. وقۋشىلاردىڭ موينىنا جاۋاپتى مىندەت جۇكتەلەدى – باعا ءۇشىن ەمەس ءبىلىم الۋ ءۇشىن وقۋ قاجەت. جان-جاقتى دامىعان ادام بولۋدىڭ ماڭىزى زور. ءبىلىم الۋعا عانا ەمەس سپورتقا دا كوڭىل ءبولۋ كەرەك.
مەكتەپ قابىرعاسىندا وقىعان جىلدارى ءبىلىم قورىن جيناقتاۋ قاجەت, ول كەيىننەن ەرەسەك ومىردە دە پايدالى بولماق. ەڭبەك پەن ءبىلىم ارقىلى عانا ۇلكەن جەتىستىككە جەتۋگە, بيىك شىڭداردى باعىندىرۋعا بولادى», دەدى اكىم.
ونىڭ ايتۋىنشا, بيىلعى وقۋ جىلىندا 11 مەكتەپ پايدالانۋعا بەرىلەدى, ولاردىڭ ءبىر بولىگى اشىلعان. 11 مەكتەپتە 23 مىڭنان استام وقۋشى ءبىلىم الادى.
«مەملەكەت باسشىسىنىڭ تاپسىرماسى بويىنشا وقۋ ورىندارىنىڭ سانىن ارتتىرۋ جۇمىسى ءجۇرىپ جاتىر. كەلەسى جىلى تاعى 20 مەكتەپتىڭ قۇرىلىسىن باستايمىز. ال ءىرى مەكتەپتەردىڭ قۇرىلىسىنا كەزەڭ-كەزەڭىمەن كوشەمىز. ياعني ءبىر وقۋ ورنى 4 مىڭ وقۋشىعا (2 اۋىسىمدا) ارنالاتىن بولادى. ەلوردادا 3 جىل ىشىندە 34 مەكتەپ سالىندى. وسىلايشا 70 مىڭ وقۋشى ورنى اشىلدى», دەدى ول.
سونداي-اق ول ەلوردادا مەكتەپ سالۋ ءۇشىن 72 جەر تەلىمى بولىنگەنىن ءسوز ەتتى. وسى جەر ۋچاسكەلەرىنىڭ اۋماعى 240 مىڭ وقۋشىعا (2 اۋىسىمدا) ارنالعان وقۋ ورىندارىن سالۋعا مۇمكىندىك بەرەدى.
«بۇل جەر ۋچاسكەلەرى الەۋمەتتىك نىساندارعا دەگەن قاجەتتىلىكتى ەسكەرە وتىرىپ, قالانىڭ بارلىق اۋدانىندا بەلگىلەنگەن. الەۋمەتتىك نىساندار قۇرىلىسىنا ارنالعان جەر تەلىمدەرىنىڭ سانىن جىل سايىن كوبەيتەتىن بولامىز. وقۋ جىلىنىڭ باستالۋى قۇتتى بولسىن! مىقتى دەنساۋلىق, تابىس جانە ءبىلىم الۋعا دەگەن زور قۇلشىنىس تىلەيمىن! وزىڭىزگە جانە كۇشىڭىزگە سەنىڭىز!», دەپ جازدى قالا باسشىسى الەۋمەتتىك جەلىدەگى پاراقشاسىندا.
