ەلوردادا ءداستۇرلى جارمەڭكە باستالدى

وڭىردەن كەلگەن 70-تەن اسا اۋىل شارۋاشىلىعى وندىرۋشىلەرى 535 توننا ءوز ونىمدەرىن ۇسىندى.

«تۇركىستان وبلىسىنىڭ اۋىل شارۋاشىلىعى تاۋار وندىرۋشىلەرى 113,5 توننا ەت جانە ەت ونىمدەرىن, 165,5 توننا كوكونىس, 23 توننا كارتوپ, 72 توننا ءسۇت ونىمدەرىن, 69 توننا باقشا ونىمدەرىن, 34 توننا جەمىس-جيدەك, 8 توننا بال, 31 توننا جەمىس شىرىنى مەن كونسەرۆىلەن­گەن ونىمدەردى, 11 توننا بالىق, 20 مىڭ دانا جۇمىرتقا جانە 2 توننا نان-توقاش ونىمدەرىن ۇسىندى. ونىمدەر نارىق باعاسىنان 15-20% تومەن باعامەن ساتىلدى. جارمەڭكە كونتسەرتتىك باعدارلامامەن جال­عاستى», دەدى تۇركىستان وبلىسى اۋىل شارۋاشىلىعى باسقارماسى باس­شىسىنىڭ ورىنباسارى نۇربول بەكمۇراتوۆ.

بيىل تۇرعىنداردىڭ ءوتىنىشى بويىنشا اۋىل شارۋاشىلىعى جارمەڭكەلەرىن وتكىزۋ ورنى «حان شاتىر» ساۋدا-ويىن-ساۋىق ورتا­لىعى جانىنداعى الاڭنان «بارىس ارەنا» مۇز سارايىنا قاراما-قار­سى اۋماققا اۋىستى. نۇر-سۇل­تان قالاسىنىڭ ينۆەستيتسيالار جانە كاسىپكەرلىكتى دامىتۋ باسقار­ماسى باسشىسىنىڭ ورىنباسارى قۋانىش ساپاروۆتىڭ ايتۋىنشا, جارمەڭكەلەر «استانا-ارەنا» ستا­ديو­نىنىڭ جانىنداعى الاڭدا, تۇران, 48 مەكەنجايىندا وتەدى.

«جالپى, اپتا سايىنعى اۋىل­شا­رۋاشىلىق جارمەڭكەلەرى ءوز جۇ­مىسىن وسى جىلدىڭ 11 ماۋسىمىندا باستادى. وعان اقمولا جانە قاراعاندى وبلىستارىنىڭ, سونداي-اق سولتۇستىك قازاقستان وبلىسىنىڭ تاۋار وندىرۋشىلەرى قاتىستى. تەك ەكى كۇننىڭ ىشىندە جارمەڭكەدە 100 توننا ءونىم ساتىلدى. سونىمەن قاتار ەلوردادا ەكى اۋدان اۋماعىندا دەمالىس كۇندەرى جارمەڭكەلەر وتكىزىلەدى. ەسىل اۋدانىندا ساۋران كوشەسى,
7 مە­كەن­جايىندا ۇيىمداستىرى­لادى. وتكىزۋ كۇندەرى – سەنبى-جەك­سەنبى», دەدى ق.ساپاروۆ.

الماتى اۋدانىندا جارمەڭكە جۇرگەنوۆ كوشەسى, 27 مەكەنجايى بو­يىنشا وتەدى. بۇل دا سەنبى-جەكسەن­بى­دە ساتىپ الۋشىلاردى شاقىرادى. جارمەڭكەگە ازىق-ت ۇلىك تاۋارلا­رىن كوتەرمە جەتكىزۋشىلەر, قاراعان­دى جانە اقمولا وبلىستارىنىڭ جا­قىن اۋداندارىنداعى شارۋا قوجا­لىقتارى, سونداي-اق «شاپاعات» بازا­رىنىڭ كوتەرمە ساۋدامەن اينالىسۋشىلارى قاتىسادى.