2000 جىلدارى ششۋچە قالاسىنىڭ 35 جاستاعى تۇرعىنى رەسەي فەدەراتسياسىنىڭ ازاماتىمەن اسا ءىرى كولەمدە ەسىرتكى زاتتارىن وتكىزۋ ماقساتىندا زاڭسىز يەمدەنۋ, ساقتاۋ جانە تاسىمالداۋ جونىندە الدىن الا ءسوز بايلاسقان.
2000 جىلى 29 ناۋرىزدا ەكاتەرينبۋرگتەن ششۋچە قالاسىنا رەسەيلىك ايەل كەلىپ, اقمولا تۇرعىنىنان 6 كەلىگە جۋىق كەپتىرىلگەن ماريحۋانا ساتىپ العان. كەلەسى كۇنى ايەلدى كوكشەتاۋ ستانساسىنداعى جەلىلىك ىشكى ىستەر ءبولىمىنىڭ قىزمەتكەرلەرى پويىزدا كەلە جاتىپ ۇستادى.
قر قك-ءنىڭ 259 باپ 4-بولىگى بويىنشا (قازىرگى رەداكتسيا: قر قك 297-باپ 3-بولىگى) قىلمىستىق ءىس قوزعالدى. جاۋاپ الۋ كەزىندە ايەل ديستريبيۋتور تۋرالى دا ايتىپ بەردى. الايدا ونىڭ سىبايلاسىنىڭ ۇيىنە جەتكەندە پوليتسيا ونىڭ قاشىپ كەتكەنىن انىقتادى. ەر ادامعا قاتىستى تەرگەۋ باستالدى.
قىلمىسكەردى 22 جىل بويى ىزدەۋ جۇمىستارى جۇرگىزىلگەن. اقمولالىق جەدەل ۋاكىلدەر 11 تامىزدا رەسەي فەدەراتسياسىنىڭ سۋرگۋت قالاسىندا جۇرگىزگەن جەدەل-ىزدەستىرۋ ءىس-شارالارى بارىسىندا 57 جاستاعى ەسىتركى تاسىمالداۋشىنى ۇستادى.
