سونىمەن قاتار قىزمەتكەرلەر دەنساۋلىق ساقتاۋعا قوسقان ۇلەسى ءۇشىن «AMANAT» پارتياسىنىڭ العىس حاتتارىمەن ماراپاتتالدى.
«اتا زاڭ – ەلىمىزدەگى بارلىق قۇقىقتىق قاتىناستاردى رەتتەيتىن ماڭىزدى قۇجات. ەلىمىزدە 5 ماۋسىم كۇنى رەفەرەندۋم وتكىزىلىپ, زاڭنىڭ 33-بابىنا كوپتەگەن ماڭىزدى پروتسەستەردى رەتتەيتىن 60-قا جۋىق تۇزەتۋ ەنگىزىلدى. كونستيتۋتسيا كۇنى قارساڭىندا ءبىز مەديتسينا سالاسىنىڭ قىزمەتكەرلەرىن قۇتتىقتاپ, ولاردىڭ ەڭبەگىن ەرەكشە اتاپ وتكىمىز كەلدى. ۇزدىك قىزمەتكەرلەر العىس حاتتارمەن ماراپاتتالدى. اق حالاتتى ابزال جانداردىڭ جۇمىسى لايىقتى باعالانۋى كەرەك دەپ ەسەپتەيمىن», دەدى «AMANAT» پارتياسى قالالىق فيليالىنىڭ مەملەكەتتىك باسقارۋدى دامىتۋ جانە سىبايلاس جەمقورلىققا قارسى ءىس-قيمىل جونىندەگى قوعامدىق كەڭەسىنىڭ توراعاسى ۆلاديمير ساۆكين.
سونىمەن قاتار, «مەرەكە» قايىرىمدىلىق قورىنىڭ قاتىسۋىمەن «مەكتەپكە جول» اكتسياسى اياسىندا اۋرۋحانا قىزمەتكەرلەرىنىڭ (دارىگەرلەر, مەدبيكەلەر, سانيتارلار) وقۋشى بالالارىنا ارنالعان وقۋ قۇرالدارى بار سومكەلەر تاپسىرىلدى. ولاردىڭ اراسىندا كوپبالالى وتباسىلار, جالعىز باستى انالار, سونداي-اق مۇمكىندىگى شەكتەۋلى بالالاردى تاربيەلەپ وتىرعان جانۇيالار بار.
