قازاقستان • 18 تامىز، 2022

دارحان قىدىرالى قازاقستاننىڭ ماروككوداعى ەلشىسىمەن كەزدەستى

65 رەت كورسەتىلدى

بۇگىن حالىقارالىق تۇركى اكادەمياسىنىڭ پرەزيدەنتى دارحان قىدىرالى قازاقستان رەسپۋبليكاسىنىڭ ماروككو كورولدىگىندەگى توتەنشە جانە وكىلەتتى ەلشىسى جانە ISESCO جانىنداعى تۇراقتى وكىلى ساۋلەكۇل سايلاۋقىزىمەن كەزدەستى. سونىمەن قاتار كەزدەسۋگە اكادەميا ۆيتسە-پرەزيدەنتى فيزۋلي مادجيدلي قاتىستى، دەپ حابارلايدى Egemen.kz اكادەميانىڭ ءباسپاسوز قىزمەتىنە سىلتەمە جاساپ.

اكادەميانىڭ جاڭا عيماراتىنا ارنايى كەلگەن ەلشى ساۋلەكۇل سايلاۋقىزى تۇركى مۋزەيى مەن كىتاپحاناسىن ارالاپ كورىپ، ۇيىمنىڭ جۇمىسىمەن تانىستى.

كەزدەسۋدە تاراپتار تۇركى اكادەمياسى مەن ISESCO اراسىنداعى مەموراندۋمعا سايكەس، بىرلەسكەن ءىس-شارالار وتكىزۋ جونىندە پىكىر الماستى. اكادەميا باسشىسى شىعىس ويشىلدارى ءال-فارابي مەن بيرۋني مۇرالارىن ناسيحاتتاۋعا ارنالعان ورتاق جوبالاردى ۇيىمداستىرۋ جونىندە وي ءبولىستى. 

ءوز كەزەگىندە مارتەبەلى مەيمان حالىقارالىق تۇركى اكادەمياسىنىڭ تۇركى الەمىنىڭ عىلىمي ينتەگراتسياسى باعىتىنداعى جۇمىسىن جوعارى باعالادى.

كەزدەسۋ سوڭىندا دارحان قىدىرالى ەلشى ساۋلەكۇل سايلاۋقىزىنا ريزاشىلىعىن ءبىلدىرىپ، اكادەميانىڭ باعالى باسىلىمدارىن تارتۋ ەتتى.

ايتا كەتۋ كەرەك، حالىقارالىق تۇركى اكادەمياسى يسلام الەمىندەگى عىلىمي جانە مادەني ينتەگراتسيانى ۇيلەستىرۋشى ISESCO ۇيىمىمەن ارنايى مەموراندۋم ارقىلى تىعىز ىنتىماقتاستىق بايلانىس ورناتقان.

سونىمەن قاتار، تۇركى اكادەمياسى يسلام الەمىندەگى عىلىم مەن مادەنيەتتى ۇيلەستىرۋگە جاۋاپتى، 52 مۇشە مەملەكەتتى بىرىكتىرەتىن يسلامدىق ءبىلىم، عىلىم جانە مادەنيەت ۇيىمىنا (ISESCO) باقىلاۋشى مارتەبەسىن العان العاشقى حالىقارالىق ۇيىم سانالادى.

سوڭعى جاڭالىقتار

ۇقساس جاڭالىقتار