قازاقستان • 18 تامىز، 2022

قازاقستان ەلشىسىنە جاپونيا يمپەراتورىنىڭ «كۇنشىعىس» وردەنى تابىستالدى

52 رەت كورسەتىلدى

جاپونيانىڭ نۇر-سۇلتانداعى ەلشىسى دجۋن يامادا ۇلى مارتەبەلى جاپونيا يمپەراتورى نارۋحيتونىڭ شەشىمىمەن قازاقستان مەن جاپونيا اراسىنداعى دوستىقتى تەرەڭدەتۋگە جانە ەكىجاقتى ىنتىماقتاستىقتى دامىتۋعا قوسقان ۇلەسى ءۇشىن ەڭ جوعارى مەملەكەتتىك ناگرادالاردىڭ ءبىرى - «كۇنشىعىس» وردەنىن قازاقستاننىڭ گرەكياداعى ەلشىسى ەرلان باۋداربەك-قوجاتاەۆقا تابىس ەتتى، دەپ حابارلايدى Egemen.kz.

سالتاناتتى ءىس-شاراعا قازاقستاننىڭ سىرتقى ىستەر ءمينيسترىنىڭ ورىنباسارى ءادىل تۇرسىنوۆ، گرەكيانىڭ نۇر-سۇلتانداعى ەلشىسى ەفتاليا كاكيوپۋلۋ، سونداي-اق ەكى ەلدىڭ ىسكەرلىك جانە ديپلوماتيالىق توپتاردىڭ وكىلدەرى قاتىستى.

«كۇنشىعىس وردەنى» - جاپونيانىڭ ماراپاتتاۋ جۇيەسىنە ەنگىزىلگەن العاشقى ماراپات. وردەن العاش رەت 1875 جىلى تابىستالعان بولاتىن. جاپوندىق مەملەكەتتىك ايرىقشالاۋ جۇيەسىنە سايكەس، «كۇنشىعىس وردەنى، التىن جانە كۇمىس جۇلدىز» II دارەجەلى وردەن سانالادى.

ە. باۋداربەك-قوجاتاەۆ قازاقستاننىڭ جاپونياداعى ەلشىسى قىزمەتىن 2016-2021 جج. اتقارعان، 2017-2021 جج. ارالىعىندا جاپونيانىڭ توكاي ۋنيۆەرسيتەتىندە شاقىرىلعان پروفەسسور بولعان. جاپون جانە اعىلشىن تىلدەرىن مەڭگەرگەن. قازاقستان ءسىم جۇيەسىندە 30 جىل بويى قىزمەت اتقارىپ كەلەدى.

سوڭعى جاڭالىقتار

ۇقساس جاڭالىقتار