تانىم • 18 تامىز، 2022

مۋزەيگە تارتۋ ەتكەن جادىگەرلەر

91 رەت كورسەتىلدى

ەگەمەن قازاق ەلىنىڭ مادەني ومىرىندە وتكەن تاريحىمىزدى، مادەنيەتىمىزدى كورسەتەتىن مۋزەيلەردىڭ ءرولى ەرەكشە. حالىق اراسىندا ساقتالعان قۇندى مۇرامىز، قولونەر بۇيىمدارى، كىتاپتار، قولجازبالار قاي زاماندا دا ءوز ماڭىزىن جوعالتقان ەمەس.

قولونەر شەبەرى قۇتتىعىز سەراليەۆانىڭ وتىرار مۋزەي-قورىعىنا تارتۋ ەتكەن سىيى – كىلەم

نەگىزى قالانعانىنا 50 جىل­دان اسقان تۇركىستان وبلىسى، وتىرار اۋدانى، ءشا­ۋىل­دىر اۋىلىنداعى وتىرار مەم­لەكەتتىك ارحەولوگيالىق مۋزەي-قورىعىنا وسى ۋاقىتقا دەيىن جادىگەرلەر ارحەولوگيالىق، ەتنو­گرافيالىق عىلىمي-زەرتتەۋ ەكسپەديتسيالارى، ارحەولوگيالىق قازبا جۇمىستارى بارىسىندا، عالىمداردىڭ، ونەر ادام­دارىنىڭ، قولونەر شەبەرلەرىنىڭ، جادىگەر جاناشىرلارىنىڭ مۋزەيگە سىيعا تارتۋىمەن جينالعان.  وسى ءۇردىس قازىر دە جالعاسىن تاۋ­ىپ كەلەدى. مادەنيەت جانە سپورت مينيسترلىگىنە قاراس­تى وتىرار مەملەكەتتىك ارحەو­لوگيا­لىق مۋزەي-قورىعىنىڭ ۇي­ىمداستىرۋىمەن  «مۋزەيگە سىي» اكتسياسى ءوتىپ تۇرادى، ونىڭ ماقساتى ەل اراسىنان كونە مۇ­رالاردى جيناستىرۋ، تاريحي-مادەني قۇندىلىقتارىمىزدى ساقتاۋ ماسەلەسىنە كوڭىل ءبولۋ،  كاسىبي تۇرعىدا زاتتىق جانە رۋحاني مۇرامىزدى ساقتاۋ. العاش­قىدا مۋزەيدە 2000 جادىگەر بولسا، قازىرگى تاڭدا 25000-نان استى.

«مۋزەيگە سىي» اكتسياسىندا مادەنيەت جاناشىرلارى ارحەولوگيالىق، ەتنوگرافيالىق بىرنەشە زاتتاردى مۋزەيگە تابىستاپ كەلەدى. 2022 جىلدىڭ تامىز ايىندا مۋزەي قورىن تولىقتىرۋ ماقساتىندا تۇركىستان وبلىسى، وتىرار وڭىرىندە «قول­ونەر-حالىق قازىناسى» تاقى­رى­بىندا ەتنوگرافيالىق عى­لى­مي-زەرتتەۋ ەكسپەديتسياسى ۇيىمداستىرىلعان ەدى. ەكسپە­ديتسيا بارىسىندا تابىلعان زاتتاردىڭ  ىشىندە كىلەمگە ەرەكشە توقتالۋدى ءجون كوردىم. بۇعان دەيىن دە كىلەم تۋرالى بىرنەشە ماقالالار جاريالانعان ەدى. تاريحى تەرەڭ جادىگەردى قولونەر شەبەرى قۇتتىعىز سەرا­ليەۆا اپادان الىپ وتىرار مەم­لەكەتتىك ارحەولوگيالىق مۋ­زەي-قورىعىنىڭ اعا عىلىمي قىز­مەتكەرى قاليپا كەمەلوۆا مۋزەي قورىنا وتكىزدى. 80 جاسقا كەلگەن قۇتتىعىز اپا عۇمىرىنىڭ 65 جىلعا تارتا ۋاقىتىن قولونەر بۇيىمدارىن جاساۋعا ارناعان قولونەر شەبەرى. اتادان بالاعا ميراس بولىپ كەلە جاتقان كىلەمدى  ۇرپاقتان-ۇرپاققا اۋلەتتىڭ قاس­تەرلى زاتى رەتىندە ساقتاپ كەلگەن. كىلەم جارتى عاسىرعا جۋىق­تاسا دا ءارى كەتپەگەن، وتە بە­رىك بولىپ توقىلعان. كىلەم توقۋ ونەرى ەرتە زاماندا پايدا بول­عاندىعى ارحەولوگيالىق قاز­با جۇمىستارىنان  بەلگىلى.  كىلەم بەتىندەگى سان قيلى ساندىك ورنەك­تەرگە نازار سالعان ادام سول حا­لىقتىڭ تۇنىپ تۇرعان شە­جىرەسىن كورەتىنى انىق.

ر

ر

 

اقليما جۇماشوۆا،

وتىرار مەملەكەتتىك ارحەولوگيالىق مۋزەي-قورىعىنىڭ ءبولىم مەڭگەرۋشىسى

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار