قوعام • 18 تامىز، 2022

سوراتىن «ءدارى» سورلاتىپ تۇر

255 رەت كورسەتىلدى

بۇرىندارى ناشاقورلىق دەسە، قولىنا ينە سالعاندار كوزگە ەلەستەيتىن ەدى. قوعام العا جىلجىعان سايىن كەسەلدىڭ دە ءتۇر-ءتۇرى شىعا باستادى. قازىر تاماق اۋىرسا سوراتىن «مۋكالتين» ءدارىسى سياقتى ەسىرتكىلەر ءجيى تاركىلەنەتىن بولعان.

بۇگىندە نۇر-سۇلتان قالاسىنىڭ پولي­تسەيلەرى جاستاردى «دارىحانالىق ناشا­قورلىققا» تارتۋ فاكتىلەرىنىڭ ۇل­عايۋىنا بايلانىستى كەشەندى جۇمىس­تار­دى جالعاستىرۋدا. اتاپ ايتساق، ەلوردالىق پوليتسيا دەپارتامەنتىنىڭ قىزمەتكەرلەرى مەملەكەتتىك ورگاندار مەن ۇكىمەتتىك ەمەس سەكتوردىڭ بەلسەندى قاتىسۋىمەن حالىق اراسىندا وسكەلەڭ ۇرپاقتى ناشاقورلىققا تارتۋدىڭ الدىن الۋعا باعىتتالعان ءىس-شارالار، سونداي-اق فارماتسەۆتيكالىق جانە مەديتسينالىق قىزمەت سۋبەكتىلەرىن تەكسەرۋ بويىنشا رەيدتىك ءىس-شارالاردى تۇراقتى نەگىزدە وتكىزىپ كەلەدى.

دەسە دە ەسكەرتۋگە قۇلاق اسپايتىن اقپاقۇلاقتار از ەمەس. پىسىقاي فارماتسەۆتتەر ءوز پايداسى ءۇشىن ەسىرتكىگە تاۋەلدى ادامدار مەن جاسوسپىرىمدەرگە قاتتى اسەر ەتەتىن مەديتسينالىق پرەپاراتتاردى رەتسەپسىز ساتۋدى جالعاستىرۋدا. ماسەلەن، ەلوردالىق ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جانگەلدين جانە سىعاناق كوشەلەرىنىڭ بويىنداعى ءدارىحانالاردا جەدەل-الدىن الۋ ءىس-شارالارىن جۇرگىزگەن كەزدە دارىلىك پرەپاراتتى دارىگەردىڭ رەتسەبىنسىز بوساتۋ فاكتىلەرىن انىقتادى. جەكە كاسىپكەر يەسىنە قاتىستى اكىمشىلىك قۇقىق بۇزۋشىلىق تۋرالى كودەكستىڭ 426-بابىنىڭ 2-بولىگى بويىنشا اكىمشىلىك ءىس قوزعالدى. سوت قاۋلىسىمەن ءدارىحانالاردىڭ قىزمەتىن 6 اي مەرزىمگە توقتاتا تۇرۋ تۇرىندەگى جازا تاعايىندالدى.

وسىعان ۇقساس وقيعا مولداعۇلوۆا كوشەسىندەگى ءدارىحانادا دا انىقتالدى، وندا سوت شەشىمى بويىنشا 199 095 تەڭگە سوماسىندا ايىپپۇل تۇرىندە جازا تاعايىندالدى. جىل باسىنان بەرى پوليتسيا قىزمەتكەرلەرى دەنساۋلىق ساقتاۋ مينيسترلىگى مەديتسينالىق جانە فار­ماتسەۆتيكالىق باقىلاۋ كومي­تەتىنىڭ نۇر-سۇلتان قالاسى بويىنشا دەپارتامەنتى ماماندارىمەن بىرلەسىپ اكىمشىلىك قۇقىق بۇزۋشىلىق تۋرالى كودەكستىڭ 426-بابى (فارماتسەۆتيكالىق قىزمەت جانە دارىلىك زاتتار، مەديتسينالىق ماقساتتاعى بۇ­يىمدار اينالىسى سالاسىنىڭ قاعي­دا­لارىن بۇزۋ) بويىنشا 7 فاكتىنى انىقتاعان.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار