قازاقستان • 18 تامىز، 2022

اسكەري ويىندارداعى العاشقى جەڭىستەر

42 رەت كورسەتىلدى

قازاقستان قارۋلى كۇش­تەرى اس­كە­رىنىڭ كىل مىق­تى­لارى حا­لىق­ارالىق ارميا ويىن­دا­­رى­نىڭ اسكەري-سپورتتىق جا­­رىس­­تارىندا ۇزدىكتەر قاتا­­رىنان كورىنۋ ءۇشىن جارىسۋدا، دەپ حابارلادى ۆەدوم­ستۆونىڭ ءباس­پاسوز قىز­مەتى.

وتكەن جەكسەنبىدە قاراعاندى وبلى­سىنداعى «سپاسسك» وقۋ-جات­تىعۋ پوليگونىندا ءوتىپ جات­قان «تاكتيكالىق مەرگەن» سايى­سىندا قازاقستاننىڭ اسكەري قىز­­مەتشىلەرى «جارالى ادامدى ەۆا­كۋا­تسيالاۋ» كەزەڭىندە ۇزدىك ناتي­جە كورسەتتى. ەكىنشى ورىندى وز­بەكستان، ءۇشىنشى ورىندى قىتاي يە­لەندى.

بۇدان بولەك مەرگەن جاۋدىڭ ۇز­دىكسىز اتقان وعىنىڭ استىندا «جا­ۋىنگەر جولداسىن» قاۋىپسىز جەرگە كوشىردى. سونىمەن قاتار ول بىرنەشە اتىس پوزيتسيالارىنان نىساناعا گراناتامەن وق جاۋ­دىردى.

جارالانعان جاۋىنگەردىڭ ورنىنا 80 كيلودان (جاياۋ اسكەردىڭ تولىق قارۋ-جاراق، جابدىعىمەن ورتاشا سالماعى) اساتىن بىرنەشە اسپالى اعاشتى قوسارلاپ يميتاتسيا رەتىندە پايدالاندى.

– بۇل جاتتىعۋدى ورىنداۋ ار­­قى­لى قاتىسۋشى اتۋ دال­دىگى مەن توزىمدىلىگىن عانا ەمەس، سونى­مەن قاتار توتەنشە جاع­داي­دا ارە­كەت ەتۋ قابىلەتىن دە كور­سە­تۋى كەرەك. جاتتىعۋ با­رىن­­شا جا­ۋىنگەرلىك، تاكتي­كالىق جاع­داي­عا جاقىنداتىلعان دەڭ­گەي­دە وتكى­زىل­دى، – دەدى «تاكتي­كا­لىق مەرگەن» سايىسىنىڭ تورەشىسى مايور عالىم سادىقوۆ.

ماسكەۋ ماڭىنداعى «الا­بي­نو» پوليگونىندا ءبىزدىڭ تان­كيس­تەر ءبىرىنشى ديۆيزيوننىڭ جارىسىن ءساتتى اياقتادى. جەكە جارىستا ءبىرىنشى ەكيپاج قۇرامى – تانك كومانديرى كاپيتان بەكسۇلتان الدابەرگەن، كوزدەۋشى-وپە­­­راتور 3-سىنىپتى سەرجانت سۇڭعات سادۋاقاسوۆ جانە 3-سىنىپتى مەحانيك-جۇرگىزۋشى سەرجانت سۇلتان قۇتەكەشوۆ بارلىق نىساناعا ءدال سوققى بەرىپ، بۇكىل كە­دەر­گىدەن مۇلتىكسىز ءوتىپ، ۋا­قىت بويىنشا دا ۇزدىك ناتيجە كور­سەتتى.

سايىستىڭ ناتيجەسىندە ءبىزدىڭ تانكيستەر ءۇش اتىس شەبى بار 12 شاقىرىمدىق تاس جولدى 25 مينۋت 8 سەكۋندتا ەڭسەردى. وزبەكستان – 25 مينۋت 18 سەكۋندتا، ۆەتنام – 34 مينۋت 50 سەكۋندتا، ۆەنەسۋەلا – 47 مينۋت 5 سەكۋندتا ءوتتى. ەكىنشى جانە ءۇشىنشى قازاقستاندىق ەكيپاجدار «تانك بياتلونى» بايقاۋىنىڭ جەكە جارىسىنا الداعى كۇندەرى شىعاتىن بولادى.

ال اقمولا وبلىسى ششۋچينسك قالا­سىنىڭ «اماندىق» پوليگو­نىن­داعى اتىس شەبىنە «مەري­ديان» سايىسىنا قاتىساتىن اسكەري توپوگرافتار شىقتى. جامبىل وبلىسىنداعى «گۆاردەيسك» پوليگونىندا وتكەن جەكە جارىس بارىسىندا سايىسقا تۇسكەندەر مي­نا­ات­قىش­تان، گراناتااتقىشتان جانە اتىس قارۋىنان وق اتۋ تاپسىرمالارىن ورىندادى. قازاقستاندىق اسكەري الپينيستەردىڭ «ەلبرۋس شەڭبەرى» سايىسىندا كورسەتكەن العاشقى ناتيجەلەرى دە جامان ەمەس.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار