وسى تۇجىرىمنان №85 ورتا مەكتەبىنىڭ قازاق ءتىلى مەن ادەبيەتى ءپانىنىڭ مۇعالىمى, ارىپتەسىم ءنازيرا جاقىپوۆانىڭ بەينەسىن كورگەندەي بولامىن. شاكىرتتەرىن ءبىلىم نارىمەن سۋسىنداتىپ, ءتالىم-تاربيە بەرۋدە, جاقسى قاسيەتتەردى بويلارىنا دارىتۋدا ۇستاز ءنازيرا ورازحانقىزىنىڭ ەڭبەگى زور.
ۇستازدار شىعارماشىل, ىزدەنىمپاز بولسا, شاكىرتتەرىنە دەگەن ءىلتيپاتى مەن بەرەرى مول بولسا, بۇل – وقۋشىلاردىڭ باقىتى. بالالاردىڭ اراسىندا ءجۇرىپ, ولاردىڭ قۋانىشى مەن جەتكەن جەتىستىكتەرىنە كۋا بولۋ, سوعان ۇلەس قوسۋ – ۇستازداردىڭ باقىتى. وسى ورايدا, ءار شاكىرتىن ايالاي, التىن ۋاقىتىن اياماي بالا تاربيەسىنە, سونداي-اق ساپالى ءبىلىم الۋىنا زور ەڭبەك ءسىڭىرىپ جۇرگەن ارىپتەسىمنىڭ جەتكەن جەتىستىكتەرىن ماقتانىشپەن ايتۋعا بولادى.
ول ءوزىنىڭ دە كاسىبي شەبەرلىگىن ارتتىرۋ ماقساتىندا بىرنەشە كۋرسقا قاتىستى, حالىقارالىق قازاق ءتىلى مەن ادەبيەتى پانىنەن ۇستازدار اراسىندا وتكىزىلگەن وليمپيادانىڭ ءىى دارەجەلى ديپلومىمەن ماراپاتتالدى. ء«سوز تاپتارىنىڭ گرامماتيكالىق سيپاتى» تاقىرىبىندا جالپى ءبىلىم بەرەتىن مەكتەپتەرگە ارنالعان اۆتورلىق باعدارلاماسى جارىق كوردى.
شاكىرت تاربيەلەۋ ىسىندەگى ەڭ نەگىزگى ۇستانىمنىڭ ءبىرى – تۇلعا قالىپتاستىرۋ, وقۋشى بويىندا ادامگەرشىلىك قاسيەتتەردىڭ ورنىعۋىنا ىقپال ەتۋ بولسا, ۇستازدىڭ وسى مىندەتتەر ۇدەسىنەن شىعىپ جۇرگەنىن ايتۋعا ءتيىسپىن. ءنازيرا ورازحانقىزىنا وقۋشىلارىنا جاقسى قاسيەتتەردى بويىنا ءسىڭىرىپ, ولاردى ءبىلىم نارىنەن سۋسىنداتىپ جۇرگەن ەڭبەگى ءارى قاراي دا جەمىستى بولا بەرسىن دەگىم كەلەدى.
گاۋھار سماعۇلوۆا,
№85 ورتا مەكتەبىنىڭ قازاق ءتىلى مەن ادەبيەتى ءپانىنىڭ مۇعالىمى
قىزىلوردا وبلىسى,
قارماقشى اۋدانى
