بقو ءبىلىم باسقارماسى باسشىسىنىڭ ورىنباسارى سۆەتلانا تەمىرعاليەۆا وڭىرلىك كوممۋنيكاتسيالار قىزمەتى الاڭىندا وتكەن بريفينگىدە ءمالىم ەتكەندەي, اسىرەسە قازاق مەكتەبىندەگى ورىس ءتىلى مەن ادەبيەتى ءپانى, ورىس تىلىندە ماتەماتيكا, باستاۋىش سىنىپ مۇعالىمى جانە تاربيەشى, اعىلشىن ءتىلى ءپانى مۇعالىمى, پەداگوگ-پسيحولوگ, لوگوپەد, دەفەكتولوگ ماماندار قاجەت.
ونىڭ ايتۋىنشا, قازىر جاس مامانداردى جۇمىسقا كونكۋرس ارقىلى قابىلداۋ جۇمىستارى جۇرگىزىلىپ جاتىر.
سونىمەن قاتار, بيىل وڭىردە ءبىلىم بەرۋ ۇيىمدارىنىڭ (28-ءى – جالپى ورتا ءبىلىم بەرەتىن ۇيىم, 37-ءسى – مەكتەپكە دەيىنگى ۇيىم, ۇشەۋى – قوسىمشا ءبىلىم بەرۋ ۇيىمى, ەكەۋى – كاسىپتىك جانە تەحنيكالىق وقۋ ورنى) 70 باسشىسى باسشىسى) روتاتسيالاندى. بۇل باعىتتاعى جۇمىستار جالعاسىن تابادى.
س. تەمىرعاليەۆانىڭ سوزىنە قاراعاندا, وبلىس بويىنشا جالپى ءبىلىم بەرەتىن 379 مەكتەپتە (371-ءى – مەملەكەتتىك كۇندىزگى, ۇشەۋى – مەملەكەتتىك كەشكى, بەسەۋى – جەكە) 115 مىڭنان استام وقۋشى ءبىلىم الادى.
وقۋشىلار كونتينگەنتىنىڭ ازايىپ, تالاپقا ساي كەلمەۋىنە بايلانىستى بوكەي ورداسى اۋدانى شوڭاي باستاۋىش مەكتەبى جابىلسا, ءبورلى اۋدانى قاراعاندى ورتا مەكتەبى نەگىزگى مەكتەپ بولىپ قايتا قۇرىلادى. ال, شاكىرت سانىنىڭ كوبەيۋىنە وراي, تاسقالا اۋدانى ىنتىماق اۋىلىندا باستاۋىش مەكتەپ اشىلادى.
«بيىل 1-سىنىپقا 13 222 وقۋشى قابىلدانسا, سونىڭ 9 066-سى نەمەسە 69 پايىزى مەملەكەتتىك, 4 153-ءى نەمەسە 31 پايىزى ورىس تىلىندە ءبىلىم الماق», دەدى س.تەمىرعاليەۆا.
