قازاقستاندىق تەننيسشى العاشقى اينالىمدا الەمنىڭ 24-راكەتكاسى, امەريكالىق مەديسون كيزبەن شەبەرلىك بايقاستى.
ءبىرىنشى پارتيادا امەريكالىق سپورتشى 7:5 ەسەبىمەن باسىم ءتۇستى. ول ەكىنشى سەتتە دە ەسەسىن جىبەرمەدى – 6:3.
ءبىر ساعات 23 مينۋتقا سوزىلعان كەزدەسۋدە كيز 6 ەيس جاساپ, 4 برەيك-پوينتتىڭ ۇشەۋىن پايدالانا ءبىلدى. يۋ. پۋتينتسەۆا ەيس تە, برەيك تە جاساي العان جوق.
م. كيز ەكىنشى اينالىمدا الەمنىڭ 15-راكەتكاسى, لاتۆيالىق ەلەنا وستاپەنكومەن كەزدەسەدى. ول وسىنىڭ الدىندا تورونتو جارىسىنىڭ فينالىنا دەيىن جەتكەن برازيليالىق بەاتريس حادداد مايانى تىزە بۇكتىردى – 6:4, 6:4.
قازاقستاننىڭ ءبىرىنشى راكەتكاسى ەلەنا رىباكينا ەكىنشى اينالىم كەزىندە رەيتينگىدە كوش باستاعان يسپانيالىق گاربينە مۋگۋرۋسامەن كورتقا شىعادى.
