باسقارما اقپاراتىنا سايكەس, بۇگىنگى تاڭدا ورتاشا جوندەۋ جۇمىستارىن جۇرگىزۋگە وراي 5 جول ۋچاسكەسىندە كولىك قوزعالىسى توقتاعان.
16-20 تامىز ارالىعىندا م. اۋەزوۆ كوشەسىنىڭ بوگەنباي باتىر داڭعىلىنان ءا. جانگەلدين كوشەسىنە دەيىنگى ۋچاسكەسى تولىق جابىلدى.
15 تامىزدان 5 قىركۇيەككە دەيىن ماڭگىلىك ەل داڭعىلى مەن سارايشىق كوشەسىنىڭ قيىلىسىنداعى اينالما جولدان باستاپ ر.قوشقارباەۆ داڭعىلىنا دەيىنگى ۋچاسكە جابىلعان.
سونىمەن قاتار 24 تامىزعا دەيىن «ارقار» كوپىرىندە كولىك قوزعالىسى توقتايدى. اتاپ ايتقاندا, ماڭگىلىك ەل داڭعىلى مەن سارايشىق كوشەسىنىڭ قيىلىسىنان باستاپ ر.قوشقارباەۆ كوشەسى باعىتىندا جوندەۋ جۇمىستارى جۇرەدى.
ال 6-20 تامىز ارالىعىندا ساۋران كوشەسىنىڭ جولدارى ورتاشا جوندەۋدەن وتەدى. وسىعان بايلانىستى سىعاناق كوشەسىنەن كەرەي-جانىبەك حاندار كوشەسىنە دەيىنگى ۋچاسكە ءىشىنارا جابىق تۇر.
بۇدان بولەك, 15-20 تامىز كۇندەرى ماڭگىلىك ەل داڭعىلىنىڭ كەرەي-جانىبەك حاندار كوشەسىنەن بۇقار جىراۋ كوشەسىنە دەيىنگى ارالىعىندا كولىك قوزعالىسى توقتادى.
