جۇك تاسىمالىمەن اينالىساتىن كيريلل گادەتسكي ەسىمدى ازامات قىزىلوردا جانە اقتوبە وبلىستارى شەكتەسەتىن ايماقتاعى جولدىڭ ساپاسى سىن كوتەرمەيتىنىن ايتتى.
«جول جوندەۋ جۇمىستارى جۇرگىزىلەدى-اق. الايدا اي وتپەي جول توسەنىشتەرى ويىلىپ, تەرەڭدىگى 40 سانتيمەترگە جۋىقتايتىن وي-شۇڭقىرلار پايدا بولادى. بۇل – جول-كولىك قوزعالىسىنا ايتارلىقتاي كەدەرگى كەلتىرەدى», دەدى كاسىپكەر.
ءوز كەزەگىندە اۆتوموبيل جولدارى كوميتەتىنىڭ توراعاسى «قىزىلوردا – ارال – اقتوبە» باعىتىنداعى جول تورابىنىڭ توزعاندىعىن راستادى.
«اتالعان ايماقتاعى كولىك اعىنى وتە كوپ. ال ونداعى جول مۇنداي كولەمگە شاقتالماعان. قازىرگى كۇندەگى كولىك اعىنىنىڭ كولەمىن ەسەپكە الا وتىرىپ, الداعى ۋاقىتتا بۇل جول اۋماعىنا ءبىرىنشى كاتەگوريا بويىنشا قايتا جوندەۋ جۇمىستارى جۇرگىزىلمەك. وعان دەيىن قىسقا مەرزىمدى جوندەۋ جۇمىستارى ىسكە اسادى», دەپ اتاپ ءوتتى ت. ابدۋللين.
ال ستەپنوگورسك قالاسىنىڭ تۇرعىنى, بلوگەر ارتەم سوچنەۆ جول جوندەۋ جۇمىستارى بارىسىنداعى بىرقاتار ماسەلەنى العا تارتتى.
«قازىر بەستوبە اۋىلىنىڭ ماڭايىندا اسفالت توسەنىشتەرىن توسەۋ جۇمىستارى جۇرگىزىلۋدە. وعان قاجەتتى ماتەريالدى مەردىگەر كومپانيا 300 شاقىرىم جەردەن تاسىمالدايدى. جۇك تيەگەن كولىكتەردىڭ شامادان تىس اۋىر سالماعىنان بەتى تەگىس جولداردا وي-شۇڭقىرلار پايدا بولۋدا. ءبىر جول جوندەلسە, ەندى ءبىرى ب ۇلىنۋدە», دەدى ارتەم سوچنەۆ.
